Post #620

FlyArystan жолаушыларына маңызды ақпарат! Қазақстан Республикасы Үкіметінің 2025 жылғы 21 тамыздағы қаулысына сәйкес авиациялық қауіпсіздік қағидаларына өзгерістер мен толықтырулар енгізілді. Жаңа талаптарға сәйкес, Қазақстан әуежайларында ұшуға дейінгі тексеру аумағында тексерістен өткізілмеуіне байланысты қалдырылған заттар мен бұйымдар сақтауға жатпайды. Олар бірден шығарып салушы адамдарға берілуі тиіс немесе жоюға жіберіледі. ҚР Көлік министрлігінің Азаматтық авиация комитетінің ресми хабарламасымен келесі сілтеме арқылы танысуға болады: https://t.me/caa_kaz/4886 Азаматтық әуе кемелерінде тасымалдауға тыйым салынған қауіпті заттар мен бұйымдардың толық тізімі сілтеме бойынша қолжетімді: https://adilet.zan.kz/kaz/docs/V2300033197 FlyArystan жолаушыларға алдын ала қолжүгін және жолжүгін тасымалдау қағидаларымен әуекомпанияның ресми сайтында танысуды ұсынады. FlyArystan лоукостер үлгісінде жұмыс істейтінін еске саламыз: стандартты тиімді тарифтің құнына салмағы – 5 кг-ға дейінгі бір дана қолжүгін тасымалдау кіреді (өлшемдері 56×23×36 см-ден аспауы тиіс). Қауіпсіздік талаптары сақталмауына байланысты жолжүкті қабылдаудан бас тартылған жағдайда, жолаушының ықтимал шығындары үшін әуекомпаниясы жауапкершілік алмайды. Белгіленген қағидаларды сақтау тексеру кезінде заттардың алынып қоюын болдырмай, ұшуға дейінгі рәсімдерден ыңғайлы өтуді қамтамасыз етеді. Қабылданған шаралар ережелерді халықаралық стандарттарға сәйкестендіруге, ұшу алдындағы рәсімдерді жеделдетуге және ұшулардың қауіпсіздігін арттыруға бағытталған.