@redfoxuz · Post #1618 · 10/05/2021 13:41
#redfox Bugun RedFox dizayn studiyasiga ishga kirganimga 1 oy bo'ldi. Ishga birinchi kun kelganimda 1 oy vaqt o'tib RedFoxdagi hayot haqida yozaman deb o'zimga va'da bergandim. O'sha payt faqat bu yerdagi hayot zo'rligi, ishga xursand bo'lib borib qaytayotganimni yozaman deb o'ylagandim, lekin hammasi man o'ylagandek bo'lmadi, va va'da berganimdek hammasini boricha yozaman. Xo'sh, RedFoxga kelganimdan buyon kunlar oson o'tmadi, deyarli har kuni chuqur siqilishlar bo'ldi, hayot grafigim butunlay o'zgarib ketdi, ko'p stress va bosimlar bo'ldi. Va bu hammasi emas... Savol: RedFox shunchalik dizaynerlarni qiynaydimi?👀 Gap shundaki, RedFox bu dangasa dizaynerlar uchun emas, bu joy aniq maqsadi bor, ko'p mehnat qilishga, o'z ustida tinmay ishlashga tayyor bo'lganlar uchun. Ko'p vaqt davomida faqat uyda frilanserlik qilganim uchun comfort zonaga tushib qolganligimni RedFoxga kelib bildim. Balki shuning uchun oxirgi 1oy juda qiyin o'tdi. Endi sekin moslashishga harakat qilyapman. Bu yerda ishlashni man uchun + tomonlaridan biri, ofisda qizlar ko'p, va o'zim ham qizlarni RedFoxda shogirdlikka olyapman. IT sohasida qizlar kamligi uchun ish joyini tanlashda qiynalardim, bu yerda esa qizlar ko'pligi uchun o'zimni ancha erkin xis qilaman. Shuningdek bu yerda 2ta dizaynerdan yaxshi hislatlarni o'rgandim. Ismlarini balki keyinroq aytarman. 1-dizaynerdan kitob o'qishni o'rgandim, har kuni ofisga kelganimda dizaynga aloqador kitob o'qib o'tirishlariga ahamiyat berdim va bu manga kitob o'qishga turtki bo'ldi va hozirda dizaynga aloqador qiziqarli kitob o'qiyapman, keyinroq u kitob haqida batafsil aytaman. 2-dizaynerdan esa bosim paytida har narsaga asabiylashmasdan og'ir-bosiq bo'lishni, muammolarni kulib qarshi olishni o'rgandim, aniqrog'i hali o'rgana olmadim, shuni harakatidaman. Har doim yolg'iz ishlaganingizdan keyin jamoaga qo'shilganingizda va jamoada hammada o'ziga yarasha individual xarakterli odamlar bilan ishlashni boshlaganingizda haqiqiy sinovli paytlar boshlanar ekan. RedFoxda sabr-toqatli, bardoshli, chidamli, muvozanatli, mehnatsevar bo'lishni o'rganasiz, shunga majbur bo'lasiz ham, bu hislatlarsiz ishlay olmaysiz, manda shu hislatlar kamlik qilganini sezdim, endilikda shularni rivojlantirish yo'lidaman. Agar siz ham comfort zonadan chiqishni xohlasangiz, kuchli boʻlishni istasangiz va boshqa kerakli hislatlarni rivojlantirishni xohlasangiz RedFoxga marhamat. Jamoaga ayniqsa qizlarni taklif qilaman! Birgalikda qizlar bilan rivojlanishimizga ishonaman😊 Qisqaroq yozishga harakat qildim...
Hashtags