Post #580

በአፕወርክ (Upwork) ላይ ስራ ማሸነፍ በአንድ ነገር ላይ ብቻ የተመሰረተ አይደለም። ​ጥሩ ፕሮፖዛል ብቻ፣ ወይም ምርጥ ፕሮፋይል፣ ወይም ደግሞ አስተያየቶች ብቻቸውን ስራ አያስገኙልህም። የሁሉም ነገሮች ድምር ውጤት ነው። ​ነገሩን እንደ ነጥብ አሰጣጥ ስርዓት አስበው ከአንድ ደንበኛ ማግኘት የምትችለው ከፍተኛ ውጤት 10 ነጥብ ቢሆን፣ ነጥቦቹ እንዲህ ይከፋፈላሉ, 💬​ፕሮፖዛል (Proposal) = 3 ነጥብ 💬​የስራ ማሳያ (Portfolio) = 2 ነጥብ 💬​የአነጋገር ዘይቤ/ተግባቦት (Communication) = 2 ነጥብ 💬​የስራ ታሪክ እና አስተያየቶች (Job history + reviews) = 2 ነጥብ 💬​የፕሮፋይል ፎቶ/ቪዲዮ = 1 ነጥብ ​ጠቅላላ = 10 ነጥብ ​ደንበኞች የሚቀጥሩት በአንድ ፍጹም በሆነ ነገር ተመስጠው ሳይሆን፣ አጠቃላይ ምስሉን (The full picture) አይተው ነው። ​የስራ ማሳያህ (Portfolio) ደካማ ከሆነ፣ ፕሮፖዛልህ የፈለገውን ያህል ቢመጥቅ ስራ የማግኘት ዕድልህ ጠባብ ነው። ወይም ደግሞ ምርጥ አስተያየቶች ኖረውህ ነገር ግን ፎቶህ ጥራት የሌለውና ፕሮፋይልህ ዝም ብሎ የተሞላ ከሆነ ነጥብ ይቀንስብሃል። ​ሁሉም ነገር ይደመራል። ካልተደመረ ደግሞ ውጤት አይመጣም። ​ነጥብ የሚያስቀንስብህ ነገር ካለ አስተካክለው። ምንም አይነት አቋራጭ መንገድ የለም፤ መሰረታዊ ነገሮችን በጥራት ማደራጀት ብቻ።