Post #1978

بمناسبة خسوف القمر بتاع الشهر ده طبيعي جدا جدا يكون فيه خسوف للقمر بعد كسوف شمس أول الشهر أي كسوف شمس في أول الشهر القمري يتبعه خسوف قمر في منتصف الشهر القمري حاجة عادية فلكية بسيطة جدا جدا مفيش فيها اي فزلكة او حاجة ما ورائية و لا مهلبية طب هنشوفه ؟ لا طبعا لإنه القمر هيطلع وقت غروب الشمس أساسا عتدنا و هيكون عدى مرحلة البدر الكامل يعني هتكون نسبة سطوعه *او مواجهته للشمس* 💯 قبل ما يشرق عندنا وقت الغروب طب إمتى يحصل عندنا ؟ لما يوصل القمر لمرحلة البدر الكامل و يحصل خسوف وقت منتصف الليل مش وقت الغروب ده معناه إن الناس إلي هيشوفوا خسوف القمر هما إللي وقت الغروب بتاعهم متأخر عننا ب 6 ساعات يعني وقت الغروب عندنا هو وقت نص الليل عندهم طب نعمل إيه وقتها ؟ خش صلي طب مش بتصلي ؟ خش نام طب مش عايز تنام ؟ طنش و اعمل أي حاجة غير الافتكاس