Post #2388

أخباركم ايه؟ جاهزين! جبتوا المشروب الجميل واللب (البزر )علشان التسالي طيب يلا بينا فتّح عقلك معايا كده. Magick.. الكل بيقول على كل ما شي خفي وغامض بالنسبالهم إنه سحر ودا للتخويف مش أكتر إنما لو فكرت لثواني بعقلك أنت هتستنتج إنه فن وعلم وكل اللى مزروع فيك ده تخويف وتهويل بس للأسف مش كده وبس هقولك أنا بقى الماجيك هو إحداث تغيير وفقًا ا للإرادة أو ممكن نقول حدوث تغيير مرغوب فيه أو هو ميلان الطاقه للتغير بس أنا لو هعّرفه هقولك إنه تطور واعي من خلال توجيه الطاقة جميل..؟ الهدف من السحر عامةً فى مدارس الويكا - تدريب العقل عن طريق تسخير الطاقة العليا وجعلها أكثر سهولة للوصول لها زي الحدث والإلهام والخيال الإبداعي من خلال الاعتماد على قوة اللاوعى الهائلة وهيا تفعيل فصين الدماغ معًا واستخدام مساحة بيسموها المنطقة الصامتة فى محاولة استخدام اكثر من 10% من عقلنا. هو ده السحر الحقيقى والغرض منه. عامةً لو فكرت ثواني .. إحنا بنشوف حوالي سبعين طيف من الضوء وكلهم مبيأثروش علينا اللي بيأثر علينا هو الأشعة الخفية اللي مبنقدرش نشوفها, زي الأشعة السينية وفوق البنفسجية. كلنا درسنا ده كويس أوي كذلك الماجيك بيدور حول تركيز طاقات أكثر دقة وغير جسدية وتوجيهها نحو عمل التغيير.. بتحتاج طبعًا خبرة وتدريب وتحس بإرادة العقل وقوته عشان توصل لده تم تصميم أعمال مثل التأمل والتحكم في التنفس والعمل الصوتي وعمل الجسم والتصور والدراما والطقوس وغيرها لتحسين أجسامنا وعقولنا وشحننا بشكل أفضل وتحقيق التوازن بيننا وتمكيننا من إدراك كل الطاقات الخفية زي الهالات وطاقة الكون وغيرها الماجيك مبيتعاملش مع الكلمات والحروف بشكل كبير لو رجعنا لبوستات العقل الباطن القديمة هنلاقي إني قولت اللاوعى بيتعامل مع الرموز اكتر لأنه بيأثر فيها وبتأثر فيه وكمان الماجيك بيستخدم قوة اللاوعى " الرموز " والمجال اللي بينتج عن ده يتمتع بقوة هائلة جدًا من الطاقة بنستفيد منها للقضاء على الأنا وآليات الرقابة المادية بكل أشكالها وإدراك الحقائق بشكل أكثر دقة تجربة الوحي المباشر مش هقدر أشرح الرموز وتأثيرها بشكل مميز لأنه بيتعرف من التجربة وأي حد جرب أي نوع من أنواع الماجيك هيفهم إن الرموز تبدو متجانسة مع أنواع معينة من الطاقة كمثال بعض السحرة اما ترحلهم يقولك عشان تجذب الحب لازم تعمل الآتى: عليك ارتداء النحاس مثلا كسوار وأنك تحط عطور وردية اللون. لو سألت ليه؟ هجاوبك أنا: لأن الاتنين دول مرتبطين بكوكب الزهرة المرتبط بالحب فهو بيعمل على الجذب بين الرموز والطاقه فهمت كدا ..؟ وده واحد من أقدم أساليب ممارسة السحر السلمي لكل طاقة رمز مرتبط بها يجذب طاقة المطلوب السحر دايما مرتبط بالطلب للأموال والسلطة وديه متلازمة خاطئة تمامًا هو مش الغلط طلب الحاجات ديه الغلط هو استغلال الماجيك الخاطيء أى ساحر دارس سحر كويس هيقولك الى انا هقوله ده لما تمارس السحر مش بالضرورة الحصول على ما تريد بل ستحصل على ما تحتاج وده قاعدة مضيئة عندهم عشان تستخدم السحر المؤثر حطها قاعدة إنك هتستخدم تقنيات كتير سواء ترتيل أو غيره لتغير حالة وعيك ورفع الطاقة وبعدين توجيه تلك الطاقة لإحداث التغيير المطلوب سواء ماديًا او روحانيًا السحر بيعمل بحسب النية ولكن السحر الأبيض بيمنع فرض شيء على أي شخص أيًا كان ضد إرادته، مثلا مفيش مشكلة ان ترتل تعويذه تساعدك انك تحصل على شغل لأن ده هيرجع ليك أنت وبس إنما إنك تستخدم السحر عشان مثلا تخلي بنت تنام تحبك أو توافق تتجوزك او العكس كده أنت فرضت شيء على إرادته والسحرة عامةً من قوانينهم احترام الإرادة الحرة للبشر الماجيك هو التزام لنفسك بقوانين كونية ضرورية جدًا جدًا عشان تكون ساحر جيد ويتطلب التصميم والمثابره والقوة والانفتاح على التغيير وغياب الحقد واكتساب المرونه وحب الحياه وحب الطبيعة وحب نفسك قبلهم. الماجيك هيعلمك عن التدفقات الطبيعية للطاقة فى الكون وخطوط الرعي دي خطوط الطاقة الي في الأرض وغيرها عشان تعمل فى انسجام منها لإحداث تغيير إيجابي فقط سواء روحيًا ا أو و ماديًا أو في نفسك أو بيئتك فى ناس كتير بتتسأل ايه علاقه السحر بالوهم الماجيك انواع كتير جدا جدا ومدارس اكتر وكل ساحر قادر على انشاء مدرسته الخاصه. ولكن الماجيك الحقيقى هو احداث تغيير حقيقى وفى سحر الوهم والايهام وغيره والسحر الاسود طبعا يا شقي انت وهي هكلمكم عنه اكيد السحرة كلهم بيعملوا فى 10 قواعد اما القاعده ال 11 عندهم هى عدد الطاقات الخفيه تمام كدا مع تطورك وتمرسك فى السحر تصبح الرموز اكثر اهميه وقوه وتصبح اسهل فى القاء التعويذات أو التوكيدا أو المانترا مع احداث تغييرات ماديه بسهوله جدا جدا زى الافلام بالظبط ايوة الماجيك عامةً عمليه مؤلمه جدا عشان مش من السهل الحفاظ على الانضباط وعمل شاق التعامل مع الطاقه المنبعثه دون فقد التوازن للحظه الماجيك يعنى الصدق مع نفسك وتظل صادقا. اتركم في سلام وأمان