Post #2412

تخيل انت تعمل مجهود فى حاجه يرضيك نفسياً وجسدياً وروحياً ويخليك مبسوط بعملك. مقابل الرضا الى هتحس بيه بعد ما تعبت ده هيكون ازاى. انت يمكن تستاهل كتير جداً جداً بس ارضى بالى انت حققته. انت يمكن نفسك فى كتير جدا جدا بس الى انت حققته كان نفسك فيه زمان. متبقاش زى الكائنات الى كل حياتها تحكم على كل شئ.. ده مجرد انعكاس لعدم رضاهم عن أى شئ حتى نفسهم فتخيل هما مش راضين عن نفسهم هيرضوا عليك ؟ لو انت من الناس ديه او مش منهم أتمنى ترضى عن نفسك وقبل ما ترضى اعمل حاجه ترضى عنها يمكن تكون احسن ، يمكن نكون احسن. اتمنى يكون البوست ده غير فيك أى حاجه يمكن بكتبه فى حاله لا يُرثى لها بس يمكن اكتر بوجهه الكلمتين دول ليا قبلكم. محتاج اكون راضى اكتر عن كل حاجه. وحاسس بعد الكلمتين دول انى راضى كتير عن الاول. فى النهاية المعركه بينك وبين نفسك كل حاجه بينك وبين نفسك خلى سخطك على نفسك مش على الحياه ياريت الكل يشارك في الكومنتات والي عنده تجارب واقتراحات يقدر يكتبها هنا اسأله مهمه حاول تجاوب عليها يا ترى انت راضى عنك ؟ راضى عن حياتك ؟ راضى عن اسلوبك ؟ ولو مش راضى مغيرتوش ليه ؟ معملتش حاجه تغيره ليه ؟ سؤال صعب جداً يمكن #حور_ام_اخت#النور_في_الأفق 🕊🙏🕊