Post #2479

صباح الخيرات صباح من نعمات متجدده ركز معايا كويس جدا وحاول تفهم البوست دا هيغير حاجات كتير اوي فيك لو انت عاوز تتغير أنت بتتفرج على الحياة اللي من المفترض تعيشها والكلام ليكي انتي كمان ياللي شايفك بتقولي الكلام للرجاله بس مش ليا لا دا ليكي انتي كمان يلا نكمل أكبر مشاكل الجيل الحالى انت بتتفرج على الحياة بدل ما تعيشها السوشيال ميديا مثلت سجن غير مباشر وحاجز بينك وبين الحياة انت بتستنى حد يحكيلك تجربته عن شئ انت نفسك تعمله بدل ما انت تجرب بنفسك لا بتاخد من تجربته هو انت بتتفرج على شخص بيلعب لعبتك المفضله بدل ما أنت تلعبها انت بتستنى حد يحكيلك حكايته وتقول انا كان المفروض اكون هنا ، انا أقدر اعمل كده انت بتتفرج على الحياة بدل ما تعيشها. ده اول مسببات الاكتئاب العام وهى انك بتتفرج بس محروم من انك تجرب جيل كامل منقسم لجزء بيتابع واجباته اللي الجزء التانى بيعملها عشان الأول يتابعها فهمت حاجه.؟ في ناس هترد وتقول مفهمتش طيب استني هفهمك اكتر الحياه تحولت لتجاره بكل مجرياتها انت معظم وقت قاعد مستنى شخص يطلع رحلة لشرم الى انت نفسك تطلعها اساساً فبالتالى الشخص التانى بيطلع مصطلح ان ده محتوى بيقدمهولك.! رغم انك تقدر تعمل نفس الى هو بيعمله بس انت بقيت عاجز أكتر من الاول حتى لو كنت عاجز مادياً دلوقت انت عاجز نفسياً لانك بقيت فاكر انك مش هتعرف تتصور ذيه ومش هتعرف تتكلم ذيه وخلي بالك الرحلات ديه الى بيقوم بيها هو مقدم المحتوى اللى حول رحلة متاحه لجميع البشر إلى عقده نفسيه شديده نفسك تحققها كل حاجه متاحه ليهم متاحه ليك قبلهم ، بس الفرق ان هما راحو وجربو حولوا الحياة لمحتوى انت تطل عليه من بعيد مثال تانى مقدمى محتوى الأكل اللى انا شخصياً بحب اتابعه ممكن بكل سهوله تنزل انت وصاحبك فى يوم خميس وانتم محوشين مصروف اسبوع مثلاً وتطلبو منيو كامل من مطعم او سيكشن كامل وتقعد تجرب براحتك عادى بدل ما تستنى تتفرج عشان تقول نفسى أعمل ده اتفرج عشان تقول انا عملت ده ودي هتفرق معاك لما تتفرج وتقول عملت هتبقي مرتاح أكثر بس انت تحولت من شخص بيخرج يومياً لشخص بيخرج يومياً من تجربة ناس تانيه خالص بدل ما تكون تجربتك الشخصيه ، انت بتعيش تجربه شخص تانى. فبتتراكم عليك ظروف نفسيه كتير جداً انت مبتحسش بيها فى البدايه مجرد شعورك بالحرمان الغير مبرر بسبب انك محبوس داخل السوشيال ميديا فقط وعاجز عن كسر الحاجز بينك وبين انشاء تجربتك ، بيخلف مشاعر سلبيه كتير ترافق المتعه بالتجربة الى بتقراها وتتخيلها بدل ما تنفذها مع الوقت تراكمات المشاعر بتتحول لثقل كبير عليك بتتحول لخنقه بدون سبب ، اكتئاب ، نظره سلبيه دائمه. تمنيات بالموت ، مود سئ ديماً ، دايماً غير متقبل حياتك لانك بتتفرج على ناس عايشين مستوى حياة نفسك انت تعيشه ، برغم انك تقدر تعيشه. بيتحول لسخط كامل على الحياه بكل اشكالها. وهنا انت بتدمر حياتك بايدك حرفياً. بعيداً عن ان السوشيال عالم كبير جداً حرفياً أصبح بُعد موازى للحياة الواقعيه ، لحياة رقميه شبهه كامله من قائم بتجارب قدام متابع للتجربه. اول مركز كبير لجمع المعلومات عنك وبتتحلل داخل كمبيوترات باردة جداً ، مشاعرك ، افكارك كلها بتتنقل فى انابيب وبتتحلل لبيانات لدراستك بكثافه. انت عاجز عن انك تعيش كبشرى بلحم ودم. انت عاجز عن انك تكون حاجه غير مخلوق رقمى. انت مش قادر تعيش كبشر متحرك انت عايش كارقام متفاعله فقط انت مجرد متفاعل على كل اوجهه الحياه لو الحياة فعل والبشر رد فعل انت بتتفرج على الاتنين وبتحط ريأكت تحول الفعل لقيمه مطلقه وليها سلطه عليك انك لازم تتدعمها عشان تقدملك الفعل " الحياة " الى أنت المفروض تعيشها. بيساوموك على حياتك وانت بتدعم ده. ناوى تغير ده امتى.؟ ولا هتفضل فى دور المحلل..؟ حياتك قدام عينك وده صح بس انت بتتفاعل معاها بصوابعك بس. جرب تتفاعل معاها كلك على بعضك كده. مش هتخسر حاجه نهائياً. حرك فخادك واعمل اى حاجه اعمل مش تقول هعمل لا اعمل ابدأ وبس الأهم انك تبدأ. غير وضعك من مراقب ومتابع للحياه والى عايشينها لواحد عايش زيهم. الفعل ليه ضريبه والسكوت ليه ضريبه وانت بتختار هتتحمل اى واحده فيهم. الموضوع كله منوط بيك انت. انا شخصياً مستمتع بكل كلمه كتبتها ويمكن بوجهها لنفسى قبليكم ممكن تشاركو بارائكم شكرا لكم مقدما دمتم سالمين واعيين #_الاراده_العزيمه_تمنح_النجاح #_كمت_𓅓𓆓𓄿𓏏𓏛_𓆎𓅓𓏏𓊖 #حور_ام_اخت_النور_في_الافق 🕊🙏🕊