Post #2592

حرب المصير – ما بين الإستراتيجية و التكتيك مصر تحارب العالم شرقا و غربا منفردة ا---------------------------------------------- . أصدقاؤنا الاعزاء .... مقال النهاردة حيكون طويل و دسم شوية .... و مع إننا أصدقاؤنا القدام حيلاقوا كلام كتير قلناه و شرحناه قبل كدة ... بس في الإعادة إفادة ... فـ بدون مقدمات الله يرضي عليك هات كوباية الشاى بتاعتنا و ياريت تصبر معانا. . آفة شعوب منطقتنا العربية أنهم دائما و أبدا بيركزوا و ينشغلوا مع التكتيك و مش بيركزوا مع الإستراتيجية .... و الخواجة اللى بره فهم ده و أكل علينا عيش لأجيال ورا أجيال .... طب إية علاقة الكلام ده بحرب غzه و المؤتمر اللى اتعمل امبارح و ليه إحنا حاسين إننا بنحارب العالم لوحدنا ؟؟؟؟ . شوف يا سيدي ... عشان تريح و تستريح ... دائما و أبدا لما تحب تفهم موضوع لازم تركز على الهدف الاستراتيجي و ليس الهدف التكتيكى .... ... و دائما و أبدا أنظر الى الخريطة .... يعني ايه الكلام ده !!!! ... ... أقولك .... مثلا ..... لما حصلت الثورات الملونة في دول الإتحاد السوفيتي نهاية الثمانينات .... حضرتك انشغلت ساعتها مع ما يبثه الاعلام الغربي من ثورة الشباب و احلام الديمقراطية و الحرية ... ( ده التكتيك ) ... في حين ان النتائج كانت تدمير الكتلة الشيوعية و تفكيكها .... ( ده الهدف الاستراتيجي) . . مثال تاني ..... ظهور القاعدة الفجائي ثم اختفائها ... أو طالبان ثم إحتواؤها ... حضرتك ركزت في الارهاب و عملياته و الحروب و التدمير و كيفية مواجهتهم .... (ده التكتيك) ... في حين الهدف كان تمركز و بسط سيطرة الجيش الامريكي على الارض في افغانستان و منطقة الخليج العربي .... و مد خط الغاز اللى بيمر من اراضي افغانستان (ده الهدف الاستراتيجي) . . فعشان كده ... لما تيجي تسقط ده على ما نواجهه اليوم ... سيبك من الاهداف التكتيكية بتاعتهم في ضرب غzه .... و شوف ايه هدفهم الاستراتيجي ... و هل حيقدروا يحققوه على الارض و لا انت اللى حتقدر تفرض إرادتك و اهدافك الاستراتيجية !!!!! .... يعني اييه !!!!! . إحنا مش حنتوسع في رؤيتنا في المنطقة و ليه تم ضربها بالفوضي الخلاقة و تنظيمات إرهاب الإسلام السياسي و كل التفاصيل دي ... إحنا حنركز على موضوع غzه بالذات لأن ده اللى يهمنا. . بعد الإنتصار العظيم في حرب 73 و دخول مصر في معركة السلام و فرض إرادتها في إستعادة سيناء و كامل التراب العربي ... إسرائيل لعبت على تفتيت الرأي الفلسطيني ... و إستخدم الغرب كل أدواته في إحباط المحاولات المصرية في إنهاء معاناة الفلسطينيين و إغلاق القضية و أوعزوا لهم و أقنعوهم بمعاداة مصر و رفض كل خيارات السلام اللى كانت مطروحة أمامهم .... و ترك العرب مصر جميعا مصر و قاطعوها و إتهموها بالخيانة و العمالة .... مع إن ساعتها كانوا حياخدوا نصف أرضهم كاملة بدون مستوطنات و سيادة كاملة بالمواني و المطارات و مكناش عيشنا في اللى شايفينه النهاردة ... و إنهم بعد 45 سنة حتي الـ 7% المتاحة ليهم الآن مهددين بالطرد منها. . المهم و عشان نركز في المفيد ... أكتر حاجه كانت بترعب دولة الكيان هي توحد الفلsطينيين و نبذ الفصائل ... و دة حصل مرتين في تاريخ فلsطين .... أثناء الإنتفاضة الأولي و الثانية فقط .... و باقي تاريخ فلsطين كان الفلsطينيين عايشين تحت قيادات الفصائل اللى كل واحدة ليها توجهها و علمها اللى لا يمت لعلم فلsطين بأى صلة ... و كل فصيل كان بيخون التاني و بيلعن سنسفيل التاني .... و دولة الكيان كان من مصلحتها تقوية الفصائل دي بشكل غير مباشر لأن تواجدها إستراتيجيا بيصب في إضعاف القضية و تقوية إسرائيل ..... المهم .... بعد موت ياسر عرفات الزعيم التاريخي للفلsطينيين في نوفمبر 2004 و إستكمال السلطة من قبل حركة فتح الممثل الشرعي للفsطينيين .... إستخدم الغرب وكيله التاريخي في المنطقة و اللى بينفذ بيه اللى مايقدرش ينفذه بنفسه على الأرض ... و هي جماعة الإخوان المسلمين.... طب إيه علاقة دة بالتكتيك و الإستراتيجية ؟؟؟؟ .... شوف يا سيدي. . في 2007 حصل الإنقسام الفلsطيني ... و لأول مره رفع الفلsطينيين السلاح على بعض و قتلوا من بعض 700 قتيل في يوم واحد و كل فصيل لغاية النهاردة عندة أسرى و سجناء للآخر .... و إستخدم الإخوان قطيعهم في الداخل المصري و ركزوا علي فتح معبر رفح لإدخال الطعام و الغذاء و قبول جوازات سفر تصدرها حmاس و اللى حتقوم بإدارة معبر رفح .... و دة اللى مصر كانت رفضاه تماما بكل إصرار. . طبعا ناس كتير مننا كانت مصدقة إن مصر محاصره قطاع غزه و بتجوعهم لأنها عميلة و خاينة و غير مناصرة للشعب الفلsطيني (ده التكتيك) ... لكن الحقيقة إن لو مصر وافقت ساعتها تحت وطئة الضغط الإعلامي و الشعبي ....