Post #2593

يبقي بتحقق هدف إسرائيل اللى سعت إليه و هو أنها بتعترف قانونيا بإلغاء وضع غزه إنه تحت الإحتلال الإسرائيلي و أنه مسؤول كمحتل عن إمداد قطاع غzه بالغذاء و الأدوية لأنها إعترفت بسلطة دولة جديدة في القطاع... و بعد كده القطاع يتزحم و الوكيل اللى بيحكم غzه يضرب كرسي في الكلوب و يدخل هوه يحارب و يدخل سيناء 😊( ده الهدف الإستراتيجي) . المهم و من ساعتها و بشكل مكرر ... بدأ رسميا طرح فكرة إسrائيلية لنقل قطاع غzه الى سيناء في مربع يبدأ من رفح الى العريش الى مربع البرث جنوبا كخطوه أولي قبل إزاحتهم الى الدلتا و إرجاع إدارة القناة للإنجليز .... و ده اللى مصر و طوال حكم مبارك تم رفضه تماما بشكل قاطع. . المهم و مع بداية الخريف العربي و وصول الإخوان لحكم مصر .... تم تسكين آلاف المسلحين في نفس المربع (رفح – العريش – البرث ) لبسط سيطرة الجماعات المسلحة هناك على الأرض بمساعدة قوية و واضحة واضحة من مقاتلين إخوان حماس الفرع الفلسطيني .... طبعا إحنا إنشغلنا وقتها بالعمليات ضد الجيش و العساكر الغلابة و فين المخابرات و ليه الجيش عنده إصرار أنه مش بيهجر أهالي سيناء و ليه مش بيدكهم لأن الجيش فاهم إن (ده التكتيك) .... لكن الحقيقة و الهدف كان إفراغ هذه المنطقة من سكانها بدخول الجيش في مواجهة مباشرة مع أهالي سيناء إستعدادا لتنفيذ المخطط .... (ده الهدف الإستراتيجي).... و عشان كده مافيش لقاء للرئيس السيسي إلا و يرمي كلمة (إحنا مش حنسيب سيناء لحد) ... و أخدنا وقت كبييييير لغاية لما فرضنا إرادتنا ..... عشان ندخل في مرحلة أخري. . لما الخواجه بره إتأكد إن الوكيل (الفرع العسكري لجماعة الإخوان) اللى كان بيسانده إعلاميا قطعانه في الداخل و الخارج .... فشل في تنفيذ مخططة .... قام نزل بنفسه عشان ينفذ على الأرض ... إزاي ؟؟؟ . و لأن الموضوع ده صعب عليه جدا فرضه بقوة السلاح بسبب قوة الجيش المصري ... و لأنه صعب عليه يدخل في مواجهه مباشره معاه لأن ساعتها الشعب المصري حيساند جيشه بكل قوة .... فكر في إعادة دائرة التاريخ بإخراج الجيش المصري خارج أرضه و غرسه في مستنقع يستنفذه .... ثم الإنقضاض علي سيناء زي ما حصل بالظبط مع عبد الناصر في اليمن 😊 . . إتعملت حرب اليمن ... و انضغط على مصر بشكل غير طبيعي إنها تبعت جيشها هناك و المقابل عشرات مليارات الدولارات اللى كانت مصر بالفعل محتاجاها (ده التكتيك) ... و في اللحظة المناسبة يتم الإنقضاض على سيناء (ده الهدف). . سد النهضة ... كان الإستفزاز تااااريخي لمصر سواء من قبل أثيوبيا اللى كانت كل ساعة تصدر تصريح مهين كأنها بتقول و النبي تعالوا بقي إضربوني ... لغاية تصريح الرئيس الأمريكي بنفسه أنه بيدي الضوء الأخضر لمصر إنها تضرب السد و تخش في حرب على الهضبة الأثيوبية .... و كان الإعلام الإخواني و كل الإعلام بيسخن في مصر عشان تضرب و تعلن الحرب و نروح نحارب في مستنقع و ادغال افريقيا لان الحرب كانت مش حتبقي مع اثيوبيا فقط ( ده التكتيك) .... و الهدف الحقيقي كان سيناء ( ده الهدف الإستراتيجي). . بعدها جت ليبيا و كلنا فاكرين إزاي كان الاستفزاز لمصر و إزاي كان الكل بيطلب من مصر تدخل ليبيا عشان يتسحب الجيش غربا (ده التكتيك) لكن الهدف الإستراتيجي برضوا كان سيناء ... و الموضوع انتهي بالخط الأحمر الشهير بعد ضياع غواصتين للعثمانلي و ضرب قاعدة الواطية 4 مرات و قتل رئيس الأركان التركي و الحاكم العسكري بذات نفسه مع لفيف من القادة الأتراك. . لما الخواجة فهم تماما و إقتنع إن المناورات دي كلها مش جايبة همها ..... بدأ في تكوين تحالفات إقليمية ضد مصر مع خنقها إقتصاديا ... و بدأ في تسويق فكرته على العلن .... و من وجهة نظره إننا نضحى بمصر عشان الكل يعيش سعيد .... إزاي ؟؟؟ . الأول نحاول نقنع مصر إنها تبيع الأرض بيع و شراء .... الديون حتتمسح و مليارات حتدخل خزانة الدولة .... و الخليج حيمول إنشاء عشرات المدن اللى حتتعمل للفلsطينيين و حيغدقوا الأموال و الإستثمارات على مصر .... في مقابل ضرب إيران و التخلص من نظام الملالى هناك .... كدة الخليج حيبقي سعيد ... و اسrائيل سعيدة إنها نفذت الجزء الأول من خطتها قبل الإنقضاض على سيناء كلها ... و مصر اتمنجهت فلوس ... و الغرب يخش بقي ايران بحكومة عميلة ليه يمصمص البترول و الغاز الإيراني و يضرب أكبر حليف لروسيا في فنائه الجنوبي 😊😊 و نعيش كلنا بقي في تبات و نبات و نخلف صبيان و بنات 😊😊 . طبعا مصر رفضت الكلام ده جملة و تفصيلا بكل إصرار و ثبات ..... فكان الرد .... ماشي يا عم ... ورينا شطارتك ... إحنا بقي حندخلك في متوالية مشاكل إقتصادية و حنضغط عليك بشعبك اللى لو مقامش يشيلك بثورة فأكيد حيسقطك في الإنتخابات الجاية و نخلص منك نهائيا و حنجيب اللى حيوافق و ببلاش كمان 😊 ...