Post #2619

✍️ جاكو #اقتصاد: في الوقت اللي كل وكالات التصنيف عمالة تلطش في مصر بشكل يقول للأعمي اااه احنا بنحرض علي مصر اقتصاديا مصر رامية كل ده ورا ضهرها ... و بتحقق خطوات ممتازة اقتصاديا 🔷🔶 اول حاجة لازم نقف عندها 👈🏻 ارتفاع احتياطي النقد الاجنبي ل 35.102 مليار دولار بدلا من 34.97 في سبتمبر 2023 تقرير البنك المركزي قال 👈🏻 ارتفاع الاحتياطي النقدي من العملات الاجنبية مقالش الدولار ده معناه ان مصر بتزيد في اتجاه الحصول علي أخري بهدف توفير عملات التبادل التجاري القادم بداية من 2024 📌هل كل تقرير بيقول فيه تفاصيل اااه بيقول مع ارتفاع الحصيلة الدولارية بمقدار كذااا 👌🏻 يبقا انهاردة البنك المركزي بيعلن لنا عن استعداده لتوفير عملات اخري 🤷🏻‍♀️🤷🏻‍♀️ و ده شئ عظيم جدااا و يعرفك انك مش هتحتاج سوق سودا لتوفير العملات الاخري لأن كل العملات سيتم ادارتها بطرق رسمية داخل البنك المركزي 👌🏻👌🏻 🔷🔶 نيجي بقا لكل الوكالات المسيسة و اخرهم سوسيتيه جنرال بنك من ساعة اصدر تقرير ان الدولار في مصر لازم هيوصل 37 جنيه بنهاية 2023 و معرفش جايب الثقة دي منين مع انه بنكي انهاردة 30.90 🤷🏻‍♀️ .. و بكده يبقا مسجل هبوط اساسا ♦ده غير قرارات المركزي اللي اصدرها للبنوك : 📌 يعني مثلا بقا مصرح للبنوك الاحتفاظ بسيولة دولارية 2.5 مليون دولار اسبوعيا و ده معناه ان في دولارات اتوفرت و الا البنك المركزي يلمها يوميا و يقلل معدلات السحب 📌 قرار حجز الدولار بشريحة 10 الاف ف اكثر اتلغي يعني حضرتك تبلغ البنك بالمبلغ اللي محتاجه وهو يودعلك في حسابك و ده طبعا بعد قرار لجنة السياسات المالية الخميس 26 اكتوبر 📌 رفع القيود عن السحب بالكريدت و ده خلي العربية بيزنس تعمل تقرير عن مصر و تقول ان مصر فاجئت الجميع و قدرت توفر الدولار بشكل كبير و ان البنك الاهلي لوحده موفر 3.5 مليون دولار لعملاءه بداية من 1 نوفمبر 🤷🏻‍♀️🤷🏻‍♀️ ( كل ده و المصريين في الخارج مازااااالوا بيحولوا للسوق السودا .. يعني دي جهود بنك مركزي فقط 👌🏻) 🔷🔶 هو ليه فيتش و غيرها بيصدر تقارير زي دي 🤔 الهدف هو 👈🏻 انه يخلي الاستثمارات تهرب طب هل هي فعلا بتهرب 🤔 فيتش و ما الي ذلك مش شغالة لوحدها .. لا دي مافيا فيها بهائم الفيسبوك الشاردة اللي بتروج لهروب الشركات و الاستثمارات و سحب الاموال الساخنة بدون اي دليل حتي 🤷🏻‍♀️🤷🏻‍♀️ ♦هو بس معلومة صغنتووووتة 👈🏻العالم كله مفيش فيه حاليا اموال ساخنة اساسا بسبب قرارات الفيدرالي من ابريل 2022 ف اموال ايه اللي هربت من مصر ياللي تنضربوا في التورلوب بتاعكم 🙄🙄 ♦طيب كل ده هدفه ضرب الاستثمار ... وكمان صندوق النقد بيقول مصر هتواجه صعوبة في توفير دولارات 🤷🏻‍♀️ ده امتي 👈🏻 في 3 اكتوبر 2023 📌 قووووم ايه يسافر الدكتور مدبولي " اللي انا بحبه و الله " الي الصين و ينجح في اقتناص فرص استثمارية قيمتها 15.2 مليار دولار و بدأ بالفعل التنفيذ 📌 و انهاردة قدر السيد وليد جمال الدين رئيس المنطقة الاقتصادية لقناة السويس في توقيع اتفاقيات بقيمة 16.7 مليار دولار عبارة عن استثمارات لمنطقة انتاج طاقة خضراء داخل المنطقة الاقتصادية بتاعتنا 🔸 هي ليه الصين بتنفذ مشروعات الطاقة الخضراء كلها في مصر 🤔 الاجابة 👈🏻 راجع كتاب الدراسات رابعة ابتدائي " و تتميز مصر بموقعها الذي يتوسط قارات العالم 👌🏻" و وجود مصر في اتفاقية الحزام و الطريق هيخلي الصين تقدر تصدر منتجاتها بميزة تنافسية في تكلفة النقل و تخفيض المسافات 👌🏻👌🏻 🔸ومصر هتستفيد ايه مادامت الصين هتبيع 👈🏻 ضرايب يا بيبي ... حصيلة ضريبية مهولة 🤷🏻‍♀️🤷🏻‍♀️ ♦ اليوم بقا اللي فيتش طلعت فيه التقرير راحت اليابان في دوبل كيك اصدرت قرارات اقتصادية لانتاج بعض التكنولوجيا في منطقة استثمارات في قناة السويس باستثمارات مبدئية 6 مليار دولار عبارة عن 24 شركة يابانية و ده تم نشره علي موقع منظمة التجارة الخارجية اليابانية jetro ومجلس الاعمال الياباني JICA و ده بناءا علي اجتماع يوم 1 اكتوبر مع الوفد الياباني و السفير الياباني 🤷🏻‍♀️🤷🏻‍♀️🤷🏻‍♀️ يعني اليابان تحذوا حذوا الصين و ذلك من اجل انقاذ اقتصادها من حالة الركود 👌🏻👌🏻 ♦و نظرا للحالة المتردية للاقتصاد التركي فقد قرر محمد بن زايد توجيه الاستثمار العقاري الي وجهة مصر 🤷🏻‍♀️🤷🏻‍♀️ و رقم الاستثمارات 5 مليار دولار ( الخليفة ريأكتد 👈🏻 كده بردو يا سووونة يا خاين .. بصوت هند رستم 😁) و الامارات بريكس و اعلنت امبارح ترحيبها بالتبادل بالعملات المحلية مع دول بريكس ( ده مش عشان قرار بريكس فقط ... نووووو فاكرين لما قولنا ان الامارات عايزة تكون سويسرا الجديدة بانكير العالم هما بقا اتعلموا عملة واحدة مهما كانت قوية ف هي معرضة للانهيار المصرفي 🤷🏻‍♀️ .. تنويع العملات هو الامان 👌🏻) 🔷🔶 يا تري يا هل تري بعد كل ذلك ... ممكن يطلع خبير مهبب يتكلم عن ضعف الاقتصاد 🤔🤔🤔