Post #2759

نانا ضوى (صباح الخير) هتلاحظو ان بنات كتييير بتحسد الولاد لانه ولد يخرج براحته يلبس براحته يتكلم براحته هقولك انا متفق معاكي كفايه انك لازم تبتدي تجهزي لاي مشوار قبلها بساعتين لازم كل يوم لبس مختلف غيرو هوا ممكن نفس اللبس يخرج بيه يومين تلاته اسبوع انتي لازم تحطي مساحيق وتعملي شعرك وصبغات وميكب واظافرك وماسكات وياااااابوي لو فكرتي تقعدي مع صحبتك في مكان وتشربو شيء هتفكرو كتييير هتقعدو فين وفين المكان الهادي المحترم ومتنسيش في الاخير هتدفعوو مبلغ كبير لكن الولاد مش فارق معاهم هيقعدو باي مكان عادي هنا بقا لازم اقولك على حاجه مهمه لازم تنظري ليه نظره شفقه شويه متنسيش انه لازم لو في اي حاجه محتاجينها بوقت متأخر لازم هوا الي يروح انتي مش بتركبي المواصلات لو زحام هوا عادي لازم يركب مواصلات علشان هوا راجل لازم يجهز شقه لازم مهر وشبكه لازم يهتم بمراته لو ربنا وبيته ولو ربنا رزقهم بمولود انتي تتعبي كتييير وهوا يشيل الهم هم حفضات هم هات دوا هات اكل عاوزين نروح للدكتور بجد فكري شوي وغوصي بداخلهم هما مقهورين و مضغوطين كل حاجه انت الراجل استحمل انت الراجل اعمل يعني من الاخر هتلاقي المعادله موزونه بميزان لان في الاخير هتلاقي دراسه بتقول عمر الرجل اقل من عمر الست لان الرجل لازم يسكت لا يثرثر كثيرا ليه لانه راجل ياااابوي يعني يكتم جوا جلبه ايوووووون وحتا البكاء ميقدرش يبكي علشان هوا راجل ياااابوي طفشت يرد عليه اسبت ياض انت راجل مينفعش تقول اكده يعني نطج يعني نفقع يابوي يقوله ايون بردو خليك راجل هههههههه انتي يالي ابتسمتي شايفك حطي اموجي وابتدى يالا اهتمي بطريق أهدافك ومتبصيش على الولد وانتى يالي مضحكتيش شايفك اقريها تاني وحاولي تركزي في الكلام لان فيه كلام باللهجه الصعيدي دمتم سالمين واعيين سلام الي اهل السلام الساعيين في طريق السلام #حور_ام_اخت_النور_في_الافق #_كمت_𓅓𓆓𓄿𓏏𓏛_𓆎𓅓𓏏𓊖 🙏🕊🙏