Post #2869

أحب اقولكم واقول لنفسي قبلكم ان في ناس بتدخل معانا لايفات وناس تاخد استشارات احب اقتبس مقوله جميله واقولهم: أيها الجموع، فيه منكم نوعين: نوع من الذين يسمعون ويعملون ونوع يسمعون ولا يعملون. في واحد يسمع ويملا عقله بخزانه معلومات ويصبح دائره معارف ويجيب على كل سؤال بيسمعه، وفي انسان ياخذ الكلام وياخذ الكلمه لكي تكون له حياه. لو كان الجميع يعملون لو بجزء بسيط مما يسمعون لكان الحال غير الحال، كم معلومات رهيب ولا يعملون به! لازم يكون عندك الرغبه في الاستفاده وتحويل الكلام والمعلومات لتمارين تفيدك وتقاوم كل المعيقات والموانع الي جواك الي بتمنعك؛ علشان كدا ربنا بيقول انت بلا عذر أيها الإنسان. هتقول معرفش! لا؛ الكتب ماليه المكتبات والدنيا كلها، هتقول مليش طولة بال اقرأ هتلاقي فديوهات ومحاضرات وكورسات ودورات ماليه الدنيا كلها هتقول اخدت كورسات ودورات وبردو مستفدتش حاجه ومش عارف ايه الحكايه! خليني اقولهالك بكل صراحه انت الي مش عاوز تتغير الحكيم ياخد الانتقاد بفرح ويفكر به ويعمل على إصلاح اخطائه اما غير الحكيم يزعل وينزعج من النقد. لازم تقاوم، لازم تكون مثل الشجره تواجه الرياح وتواجه الأمطار وكل شي يحاول اقتلاعها لازم نعمل على تقويه جزور السلام والامان في داخلك لا تجعل اي شي يزعزع سلامك وثقتك بربك. مثال تاني أشجار العنب نوعين: نوع يحتاج إلى تكعيبه ونوع اخر ارضي لا يحتاج لشي النوع الأول اذا لم يوجد تكعيبه يبقا مكانه على الأرض ويتعفن ولا يثمر. لازم تكون قوي من الداخل عشان تثمر وما تتعفن والقوه من الداخل تأتي من علاقتك بالله الخالق دمتم سالمين واعيين 🕊🙏🕊