Post #20301

Қалбнинг соф ва Аллоҳ таолонинг муҳаббати учун холи бўлиши, уни дунё истаги ва ҳавои нафсдан сақлаш билан бўлади. Бунинг учун қалб ғафлатда қолмаслиги лозим. Унинг ғафлатда қолмаслиги эса, кичик гуноҳлардан тийилиш билан бўлади. Банда ҳар доим ҳам гуноҳлардан сақлана олмайди. Гуноҳ содир бўлганида эса тавба қилишга шошилиши лозим. Ҳар одам боласи хатокордир. Хатокорларнинг энг яхшиси кўп тавба қилувчидир. Тавба қилган кимса, гуноҳ қилмаган кимса каби бўлади. Шундай экан, эй банда, кичик гуноҳлардан сақлан! Сақлана олмаганингда тавба қил. Шунда ғафлатда қолмассан. Ҳушёр ва зийрак бўлар экансан, дунё муҳаббати қалбингда қарор топа олмас. Ана ўшанда қалбингда Аллоҳнинг муҳаббати жойлашур. Одинахон Муҳаммад Содиқ