Post #21359

Ҳар доим ҳам бирор ишни бошлаш учун етарлича журъат бўлмайди. Баъзан қўрқиш, иккиланиш ёки танбеҳлар инсонни тўхтатиб қўяди. Аммо мен бундай пайтларда ўзимга шундай деб айтаман: Ҳозир ўрган, кейин ўргатиш учун! Ҳозир ҳаракат қил, кейин роҳатини кўриш учун! Ҳозир қийинчиликларда сабрли бўл, кейин осон бўлиши учун! Ҳозир тартиб-интизомли бўл, кейин эркин бўлиш учун! Ҳозир ўз устингда ишла чунки кейин кеч бўлиши мумкин! Ҳар бир кечиктирилган ҳаракат келажакдаги имкониятларни камайтиради. Қўрқув – табиий, аммо у йўлимда тўсиқ бўла олмайди. Мен биламан: бугунги меҳнат эртанги натижамни белгилайди. Шунинг учун мен кечикмайман, кутиб турмайман, қўрқмайман. Мен ҳозир ҳаракат қиламан! Бинту Зоир