IRNA Azəri

Şəhid Rəhbərin ərbəini münasibətilə Azadlıq qülləsinin işıqları söndürüldü 📲@az_IRNA_ir

Ümmətin İmamının şəhadətinin ərbəin gecəsində Ərdəbilin altı məhəlləsinin dəstələrinin matəm mərasimi. 📲@az_IRNA_ir

Ərdəbilli xanımlar öz İslami vətənlərini müdafiə etməyə hazırdırlar. İnqilab Rəhbərinin şəhadətinin ərbəin gecəsində Ərdəbilli xanımların iştirakı ilə bağlı görüntülər. 📲@az_IRNA_ir

💬İnqilabın Ali Rəhbəri: 2026‑cı ilin mart ayı İslami İranının adının ucalması və güclənməsinin yeni mərhələsinin başlanğıcı oldu 📌 Tehran – İRNA - İslam İnqilabının Ali Rəhbəri Həzrət Ayətullah Seyid Müctəba Hüseyni Xamenei, İnqilabın böyük şəxsiyyətli Rəhbərinin şəhadətinin qırxıncı günü münasibətilə və üçüncü məcburi müharibə ilə bağlı mühüm məsələlər haqqında mesajında vurğulayıb ki, 2026‑cı ilin mart ayı İslami İranının güclənməsinin və adının yenidən ucalmasının yeni mərhələsinin başlanğıcı olub. O bildirib ki, bu şüara və şəhid Rəhbərin strateji hədəfinə nail olmaq üçün hazırkı mərhələdə zəruri olan əsas məsələ əziz xalqımızın son qırx gündə olduğu kimi meydanlarda iştirakının davam etməsidir. İslam İnqilabının Ali Rəhbəri Həzrət Ayətullah Seyid Müctəba Hüseyni Xameneinin İnqilabın böyük şəxsiyyətli Rəhbərinin şəhadətinin qırxıncı günü münasibətilə və üçüncü məcburi müharibə ilə bağlı mühüm məsələlər barədə mesajı yayımlanıb. ​ Onun bəyanatının əsas məqamları aşağıdakılardır: ​ Qırx gündür ki, şəhid Rəhbərimizin uca ruhu ilahi dərgahda övliyaların, siddiqlərin və şəhidlərin məclisində qonaqdır və bununla eyni vaxtda və ya onun ardınca komandirlərin, döyüşçülərin çoxsaylı silahdaşları və həmvətənlərimiz – bir neçə günlük körpələrdən tutmuş yaşlı insanlara qədər – bu böyük fəzilətə nail olublar. ​ Qırx gecə‑gündüzdür ki, dünya hegemonları saxta və yalançı maskalarını üzlərindən götürərək qətl, zülm, təcavüz, yalan, təkəbbür, uşaq qətli, istibdad və korrupsiyanın çirkin və şeytani simasını nümayiş etdiriblər. ​ Bunun müqabilində isə qırx gün gecə-gündüz böyük İmam Xomeyninin və şəhid əziz Xameneinin qeyrətli övladları, həmçinin həqiqi Məhəmmədi İslamının (sallallahu əleyhi və alihi və səlləm) davamçıları misilsiz səylə və cəsarətlə meydanlarda, küçələrdə və döyüş səngərlərində iştirak edir və düşmənin vəhşicəsinə hücumlarının vurduğu zərər və itkilərə baxmayaraq, üçüncü məcburi müharibəni üçüncü Müqəddəs Müdafiə dastanına çeviriblər. ​ İranın ayıq və şüurlu xalqı göstərdi ki, şəhid Rəhbərinin ayrılığının böyük kədəri ilə üzləşsə də, Aşura mirasının birbaşa varislərindən nümunə götürərək bu kədəri qəhrəmanlığa, mərsiyəni isə rəcəzə çevirdi. Bütün bunlar başdan-ayağa silahlanmış düşməni heyrət və acizlik içində qoydu, dünya azadlıqsevərlərini isə heyranlıq və təqdirə vadar etdi. ​ Bu dəfə təcavüzkarın cəhaləti və nadanlığı səbəb oldu ki, 2026‑cı ilin mart ayı İranın və İslam İnqilabının adının yenidən yüksəlişinin və güclənməsinin yeni mərhələsinin başlanğıcına çevrilsin və İslami İranının bayrağı yalnız ölkəmizin coğrafi sərhədlərində deyil, həm də dünyanın haqq axtaran insanlarının qəlblərinin dərinliyində dalğalansın. 📲@az_IRNA_ir​

İnqilabın Rəhbəri: Biz müharibə tərəfdarı olmamışıq və deyilik, lakin heç bir halda öz haqq olan hüquqlarımızdan geri çəkilməyəcəyik və bu istiqamətdə bütün müqavimət cəbhəsini vahid şəkildə nəzərdə tuturuq.

İnqilabın Rəhbəri: Allahın izni ilə ölkəmizə hücum edən cinayətkar təcavüzkarları qətiyyən buraxmayacağıq. Mütləq bu müharibədə vurulan bütün zərərlərin təzminatını, şəhidlərin qan bahasını və yaralıların diyəsini tələb edəcəyik. Həmçinin Hörmüz boğazının idarə olunmasını mütləq yeni mərhələyə keçirəcəyik.

İnqilabın Rəhbəri: İranın cənub qonşularına deyirik ki, siz hazırda bir möcüzənin şahidi olursuz. Elə isə düzgün baxın, düzgün anlayın, doğru mövqedə dayanın və şeytanların yalan vədlərinə qarşı şübhəli olun.

İnqilabın Rəhbəri: 2026-cı ilin mart ayı İslami İranının adının yenidən ucaldığı və güclənməsinin yeni mərhələsinin başlanğıcı oldu.

İnqilabın Rəhbəri: Bu gün və üçüncü müqəddəs müdafiə qəhrəmanlığının bu mərhələsinə qədər qətiyyətlə demək olar ki, siz — İran xalqı — meydanın həqiqi qalibi olmusunuz.

İnqilabın Rəhbəri: Xalqın meydanda iştirakı son 40 gündə olduğu kimi davam etsin.

📡İslam İnqilabının böyük şəxsiyyətli Rəhbərinin şəhadətinin qırxıncı günü münasibətilə Prezidentin İran xalqına müraciəti: İran xalqı son qırx gündə güc balansını dəyişdirdi 📌 Prezident İran xalqına ünvanladığı mesajda vurğulayıb ki, bu gün atəşkəs üçün İran İslam Respublikasının şərtlərinin qəbul edilməsi ilə əldə olunan böyük qələbə, son qırx gün ərzində göstərilən qəhrəmancasına müqavimətin və torpağa tökülən pak qanların bəhrəsidir. Pezeşkian bu nailiyyəti “İran xalqının iradəsinin düşmənə qəbul etdirilməsi” kimi qiymətləndirib və bunu mərhum İnqilab Rəhbərinin onilliklər boyu xalqa öyrətdiyi böyük dərslərin davamı adlandırıb; elə bir yol ki, yığılıb qalmış əzabları aşaraq güc balansının nöqtəsində milli izzət və qlobal nüfuza gətirib çıxarıb. ​ Prezident düşmənin təcavüzünün müxtəlif tərəflərini təhlil edərək bildirib ki, xalqa zorla qəbul etdirilənlər təkcə məhdud hərbi toqquşma deyildi; bu, İranın həyati infrastrukturuna, elmi və tibbi mərkəzlərinə və tarixi irsinə qarşı hərtərəfli hücum idi. ​ Bu izah çərçivəsində doktor Pezeşkian qeyd edib ki, düşmən mühəndislik nailiyyətlərini və xidmət qurumlarını məhv etməyə çalışanda aydın olur ki, “əsas hədəf elə İranın özüdür”. Buna görə də bugünkü müqavimət, milli şərəfin və tarixi böyüklüyün qorunmasıdır. İran həmişə dialoq məntiqi və qanuni müdafiə ilə tanınan bir ölkə olub, lakin mövcudluğuna təhlükə yarananda vətən və din sevgisinə söykənərək qətiyyətlə dayanıb. ​ Prezident mesajında son qırx gündə dövlət qurumlarının koordinasiyalı rolunu da izah edərək ölkənin sabitliyinin üç əsas sütununu belə göstərib: “Silahlı qüvvələrin qırx günlük müqəddəs müdafiədə göstərdiyi güc”, “xalqın dini və siyasi müxtəlifliyinə baxmayaraq sosial həmrəyliyi və dayanıqlığı” və “dövlətin xidmət göstərmədə ön cəbhədə davamlı iştirakı”. O vurğulayıb ki, dövlət silahlı qüvvələr və xalqla birlikdə əsas ərzaq, dərman və yanacaq təminatının dayanmasına imkan vermədi. Eyni zamanda, “aktiv diplomatiya” vasitəsilə ABŞ və İsrail rejimlərinin cinayətlərini ifşa etməklə və təsirli oyunçularla məsləhətləşmələr aparmaqla İranın məzlumluq və qətiyyət səsi dünyaya çatdırıldı ki, bu hərtərəfli müdafiənin həqiqəti tarixdə yadda qalsın. ​ Pezeşkian mesajının son hissəsini sistemin atəşkəs razılaşması ilə bağlı qərarının səbəblərinə həsr edib. O bildirib ki, bu qərar hakimiyyətin bütün strukturlarının razılığı ilə və Ali Rəhbərliyin rəhbərliyi və təsdiqi altında qəbul olunub və “izzət, hikmət və məsləhət” prinsipinə əsaslanır. O qeyd edib ki, bu razılaşma zəiflik mövqeyindən deyil, meydanda əldə olunan qürurverici qələbələri möhkəmləndirmək və uzunmüddətli dövrdə xalqın maksimal maraqlarını qorumaq məqsədi daşıyır. İran təcavüzkarların “güc vasitəsilə sülh” məntiqini rədd edərək indi “ədalətli sülh vasitəsilə milli gücün möhkəmləndirilməsi” yolunu davam etdirir və düşməni zor tətbiqindən ümidsiz etməklə milli birlik fonunda daha abad və güclü İran qurmaq üçün yolu açır. 📲@az_IRNA_ir​

İslam İnqilabının Ali Rəhbəri Həzrət Ayətullah Seyid Müctəba Hüseyni Xameneinin, böyük şəxsiyyətli İnqilab Rəhbərinin şəhadətinin qırxıncı günü münasibətilə və üçüncü məcburi müharibə ilə bağlı mühüm məsələlər barədə mesajı az sonra yayımlanacaq.