Bakı Dövlət Universiteti

İnsanları humanizmə, mərhəmətə və vəhdətə dəvət edən Qurban bayramınız mübarək olsun! Uca Yaradan dua və niyyətlərinizi qəbul, xalqımıza, dövlətimizə daim sülh bəxş etsin!

📌 30 il sonra BDU-da ℹ️ Bakı Dövlət Universitetinin (BDU) Fizika fakültəsinin 1996-cı il məzunlarının Universiteti bitirmələrinin 30 illiyinə həsr olunmuş görüşü keçirilib. Tədbir çərçivəsində məzunlarla BDU-nun rektoru Elçin Babayev də görüşüb. 🔹 Rektor son illərdə Universitetdə həyata keçirilən yeniliklər, yenidənqurma işləri barədə məlumat verərək bildirib ki, aparılan islahatlar nəticəsində tədris və elmi tədqiqat sahələrində mühüm keyfiyyət dəyişiklikləri baş verib. O qeyd edib ki, BDU beynəlxalq reytinq sıralamalarında mövqeyini əhəmiyyətli dərəcədə yaxşılaşdıraraq yüksək nəticələr əldə edib. 🔗 Ətraflı: http://bsu.edu.az/az/news/30_il_sonra_bduda 📸 Sonda xatirə şəkilləri çəkdirilib. #BDU#BakıDövlətUniversiteti#BakuStateUniversity#Fizika#Məzun

Bakı Dövlət Universiteti (BDU), Xarici İşlər Nazirliyi, ”BDU könüllüləri” və “Diplomatiya könüllüləri” təşkilatlarının birgə təşkilatçılığı ilə keçirilən “Diplomatiya saatı” layihəsinin ilk qonağı Azərbaycanın Keniya Respublikasındakı səfiri, ölkəmizin BMT-nin Nayrobi şəhərindəki bölməsində daimi nümayəndəsi Sultan Hacıyev olub. Ətraflı: http://bsu.edu.az/az/news/bduda_diplomatiya_saat_layihsinin_ilk_qona_azrbaycann_keniyak_sfiri_sultan_hacyev_olub

BDU-nun kafedra müdiri Tarix Dostiyev elm sahəsi üzrə Dövlət Mükafatına layiq görülüb Azərbaycan Respublikasının Prezidenti İlham Əliyev 2026-cı il üçün Azərbaycan Respublikasının elm və mədəniyyət sahələrində Dövlət Mükafatlarının verilməsi haqqında Sərəncam imzalayıb. Sərəncama əsasən, Bakı Dövlət Universitetinin Tarix fakültəsinin Arxeologiya və etnoqrafiya kafedrasının müdiri, dosent Tarix Dostiyev orta əsr Gəncə və Şəmkir şəhər yerlərində aparılan arxeoloji qazıntılar əsasında əldə etdiyi fundamental elmi nəticələrə görə elm sahəsi üzrə Dövlət Mükafatına layiq görülüb. Əməkdaşımızı təbrik edir, daha böyük uğurlar arzulayırıq!

📌 Bakı Dövlət Universiteti (BDU), “BDU könüllüləri”təşkilatı və “İçərişəhər” Dövlət Tarix-Memarlıq Qoruğu İdarəsinin birgə təşkilatçılığı ilə Universitetin tələbə və əməkdaşları üçün İçərişəhər ərazisində maarifləndirici tədbir və akademik tur keçirilib. 🔗 Ətraflı: http://bsu.edu.az/az/news/hrsalma_v_memarlq_li_rivsind_bdu_tlblri_n_rihrd_akademik_infotur_tkil_olunub

BDU-da 28 May – Müstəqillik Günü qeyd olunub

📣 BDU-nun II kurs tələbələrinin nəzərinə! ❗️ Müdafiə Sənayesi Nazirliyi və Elm və Təhsil Nazirliyinin birgə əməkdaşlığı çərçivəsində həyata keçirilən “Mühəndis Hazırlığı və Müdafiə Sənayesi Ekosisteminin İxtisaslaşmış Akademik Tədris Proqramı”nın 2026–2027-ci tədris ilinin payız semestri üzrə tələbə qəbulu elan olunur. ℹ️ “Mühəndis Hazırlığı və Müdafiə Sənayesi Ekosisteminin İxtisaslaşmış Akademik Tədris Proqramı” çərçivəsində tələbələr nəzəri biliklərini praktiki mühitdə tətbiq etmək, real layihələr üzərində çalışmaq, həmçinin Müdafiə Sənayesi Nazirliyinin tabeliyində fəaliyyət göstərən müəssisə və laboratoriyalarla yaxından tanış olmaq imkanı əldə edəcəklər. 🗓️ Son müraciət tarixi: 31.05.2026, saat 23:59 🔗 Qeydiyyat linki: https://forms.office.com/pages/responsepage.aspx?id=xWiCFKIjr0Wmu7fIaODj2JggMMTMEU1Ohf0mPhCADBVUOVVaSjhTQUxZQlRBWkk2SE83MkVXVzREQy4u&route=shorturl #BDU#BakıDövlətUniversiteti#BakuStateUniversity#Tələbə

📌 Xarici İşlər Nazirliyinin təşkilatçılığı, Bakı Dövlət Universiteti (BDU) və Qoşulmama Hərəkatı Gənclər Təşkilatının əməkdaşlığı ilə hər il beynəlxalq səviyyədə qeyd edilən “Afrika Günü”nə həsr olunmuş konfrans keçirilib. ℹ️ “Yüksələn qitə, yeni tərəfdaşlıqlar” mövzusunda keçirilən konfransda Afrika ölkələrinin Azərbaycanda akkreditə olunmuş səfirləri, Azərbaycanla Afrika ölkələri arasında parlamentlərarası əlaqələr üzrə Milli Məclisin işçi qruplarının sədrləri, dövlət qurumlarının nümayəndələri, ali təhsil müəssisələrinin rəhbərləri, ekspertlər, eləcə də ölkəmizdə təhsil alan afrikalı tələbələr iştirak ediblər. 🔗 Ətraflı: http://bsu.edu.az/az/news/xnin_tkilatl_bdu_v_qoulmama_hrkat_gnclr_tkilatnn_mkdal_il_afrika_gnn_hsr_olunmu_konfrans_keirilib

"Ötən həftə BDU-da..." #BDU #BakıDövlətUniversiteti#BakuStateUniversity#Təhsil#Elm#Education#Azerbaijan

🇦🇿🇨🇳 Bakı Dövlət Universitetinin (BDU) Konfutsi İnstitutu və Çin Xalq Respublikasının Azərbaycandakı səfirliyinin birgə təşkilatçılığı ilə XXV “Çin dili körpüsü” Beynəlxalq müsabiqəsinin Azərbaycan üzrə final mərhələsi keçirilib. ℹ️ Tədbirin açılışında çıxış edən BDU-nun beynəlxalq əlaqələr üzrə prorektoru Şahin Pənahov belə nüfuzlu beynəlxalq müsabiqənin Bakı Dövlət Universitetində keçirilməsinin əhəmiyyətini vurğulayıb. O qeyd edib ki, Azərbaycan ilə Çin arasında münasibətlər uzun illərdir qarşılıqlı hörmət və dostluq prinsipləri əsasında inkişaf edir, bu əməkdaşlıq xüsusilə təhsil, elm və mədəniyyət sahələrində daha da güclənir. Prorektor bildirib ki, BDU Azərbaycanda Çin dili və mədəniyyətinin öyrənilməsi sahəsində öncül ali təhsil müəssisələrindən biridir. 🔗 Ətraflı: http://bsu.edu.az/az/news/bduda_xxv_in_dili_krps_beynlxalq_msabiqsinin_azrbaycan_zr_final_mrhlsi_keirilib #BDU#BakıDövlətUniversiteti#BakuStateUniversity#Çin#China

📌 BDU-da ali məktəb tələbələri arasında Fizika, Riyaziyyat, Kimya, Biologiya və Coğrafiya fənləri üzrə IV Respublika Olimpiadası ℹ️ Mayın 25-də Bakı Dövlət Universitetində (BDU) ali məktəb tələbələri arasında Ümummilli Lider Heydər Əliyevin anadan olmasının 103-cü ildönümünə həsr olunmuş Fizika, Riyaziyyat, Kimya, Biologiya və Coğrafiya fənləri üzrə IV Respublika Olimpiadası keçirilib. 🔹 Olimpiadanın məqsədi Azərbaycan Respublikasında bu elmlər üzrə ixtisaslı mütəxəssislərin hazırlanmasının keyfiyyətini daha da yüksəltmək, istedadlı tələbələri aşkar etmək və dəstəkləmək, onları elmi-tədqiqat fəaliyyətinə cəlb etmək, habelə tələbələr arasında elmi bilikləri təbliğ etməkdir. 🔗 Ətraflı: http://bsu.edu.az/az/news/bduda_ali_mktb_tlblri_arasnda_fizika_riyaziyyat_kimya_biologiya_v_corafiya_fnlri_zr_iv_respublika_olimpiadas #BDU#BakıDövlətUniversiteti#BakuStateUniversity#Olimpiada#Tələbə

BDU alimlərinin layihələri Azərbaycan–Türkiyə birgə qrant müsabiqəsində dəstəklənib Azərbaycan Elm Fondu (AEF) və Türkiyə Elmi və Texnoloji Araşdırmalar Şurası (TÜBİTAK) 4-cü Azərbaycan–Türkiyə (“AzTürk-4”) birgə beynəlxalq qrant müsabiqəsinin nəticələrini açıqlayıb. Müsabiqə Azərbaycan və Türkiyə alimlərindən ibarət müvəqqəti yaradılmış yaradıcı kollektivlərin birgə elmi-tədqiqat layihələrini dəstəkləmək, beynəlxalq elmi əməkdaşlığı stimullaşdırmaq və müasir elmi problemlərin həlli üçün əlavə yaradıcılıq imkanları yaratmaq məqsədilə elan edilib. AEF və TÜBİTAK arasında əməkdaşlıq çərçivəsində dəstəklənən 7 layihə sırasında Bakı Dövlət Universiteti (BDU) alimlərinin iştirak etdiyi 3 mühüm beynəlxalq tədqiqat təşəbbüsü də yer alıb. Ətraflı: http://bsu.edu.az/az/news/bdu_alimlrinin_layihlri_azrbaycantrkiy_birg_qrant_msabiqsind_dstklnib #BDU#BakıDövlətUniversiteti#BakuStateUniversity#AzərbaycanTürkiyə#AzerbaijanTurkish