Azərbaycan Respublikasının Baş Prokurorluğu

Xalqımızın Ümummilli Lideri Heydər Əliyevin anadan olmasının 103 illiyi ilə əlaqədar Baş prokuror Kamran Əliyev, prokurorluğun rəhbər heyəti və prokurorluq əməkdaşları Fəxri xiyabanı ziyarət edib.

Prokurorluq əməkdaşları Fəxri Xiyabanı ziyarət edib Xalqımızın Ümummilli Lideri Heydər Əliyevin anadan olmasının 103 illiyi ilə əlaqədar Baş prokuror Kamran Əliyev, prokurorluğun rəhbər heyəti və prokurorluq əməkdaşları Fəxri xiyabanı ziyarət edərək dünya şöhrətli siyasətçinin əziz xatirəsini dərin ehtiramla yad edib. Görkəmli oftalmoloq-alim, akademik Zərifə xanım Əliyevanın, həmçinin tanınmış dövlət xadimi Əziz Əliyevin və professor Tamerlan Əliyevin də xatirələri yad olunub, məzarları üzərinə gül dəstələri qoyulub.

Müasir Azərbaycanın xilaskarı və qurucusu, müstəqil dövlətimizin banisi, dünya şöhrətli siyasi xadim, xalqımızın Ümummilli Lideri Heydər Əliyevi dərin ehtiramla anırıq! #HeydarAliyev #HeydərƏliyev103 #Azerbaijan🇦🇿

Monqolustan Baş prokuroru Jarqalsaikxan Banzraqın rəhbərlik etdiyi nümayəndə heyətinin ölkəmizə səfəri ilə bağlı videoçarx

Baş Prokurorluğun Mətbuat xidməti 02.05.2026-cı il tarixdən 09.05.2026-cı il tarixədək olan həftəlik icmalı təqdim edir

Monqolustan Baş prokuroru Jarqalsaikxan Banzraqın rəhbərlik etdiyi nümayəndə heyətinin səfəri başa çatıb Daha öncə məlumat verildiyi kimi, Baş prokuror Kamran Əliyevin dəvəti ilə Monqolustan Baş prokuroru Jarqalsaikxan Banzraqın rəhbərlik etdiyi nümayəndə heyəti ölkəmizdə işgüzar səfərdə olub. Mayın 6-da heyət Azərbaycan Respublikasının Milli Məclisinin sədri xanım Sahibə Qafarova tərəfindən qəbul edilib. Görüşdə ölkələrimiz arasında siyasi və diplomatik əlaqələrin inkişaf tarixi nəzərdən keçirilib və müşahidə edilən dinamikadan məmnunluq ifadə edilib. Həmçinin hüquq siyasətinin formalaşdırılması və qanunvericiliyin qəbulu və təkmilləşdirilməsi istiqamətlərində parlamentlə prokurorluq qurumlarının qarşılıqlı əməkdaşlığı təcrübəsi müzakirə edilib. Bununla yanaşı, nümayəndə heyəti Azərbaycan Respublikasının Konstitusiya Məhkəməsində olub. Sədr Fərhad Abdullayev qonaqlara məhkəmənin fəaliyyəti və Azərbaycan Konstitusiyasında insan hüquqlarının təminatları ilə bağlı məlumat verib. Xüsusi qeyd edilib ki, Azərbaycan Respublikası Baş Prokurorluğu qanunvericiliyin şərh edilməsi ilə bağlı məhkəməyə sorğuların ünvanlanması aktivliyi ilə seçilir və indiyədək Baş Prokurorluğun sorğusu əsasında 64 Plenum qərarı qəbul edilib. Səfər çərçivəsində qonaq nümayəndə heyəti Baş Prokurorluğun inzibati binalar kompleksində yaradılan iş şəraiti, o cümlədən Elm-Tədris Mərkəzi və kriminalistik laboratoriyanın fəaliyyəti ilə tanış olub. 44 günlük Vətən müharibəsinə həsr edilən memorial qalereyaya baş çəkən qonaqlara Şanlı Zəfərin tarixi ilə yanaşı, törədilən sülh və insanlıq əleyhinə cinayətlər, müharibə cinayətləri, eləcə də onların istintaqı təcrübəsi barədə ətraflı məlumat verilib. Bundan əlavə, heyət Baş prokuror yanında Korrupsiyaya qarşı Mübarizə Baş İdarəsində olub, korrupsiyaya qarşı mübarizə sahəsində həyata keçirilən praktiki fəaliyyətlə, həmçinin əməliyyatların idarə edilməsi mərkəzi və Qaynar xətt əlaqə mərkəzi ilə yaxından tanış olub. Nümayəndə heyəti, həmçinin, Milli Aviasiya Akademiyasında olub, burada qurulan müasir tədris infrastrukturu, elmi-tədqiqat imkanları, innovativ təhsil mühiti və beynəlxalq standartlara uyğun hazırlıq prosesi ilə tanış olub. Akademiyada keçirilən görüş zamanı qonaqlar və təhsil müəssisəsinin tələbələrinə “Beynəlxalq hüquqi əməkdaşlığın əhəmiyyəti” mövzusunda mühazirə təqdim olunub, tələbə və müəllim heyəti ilə fikir mübadiləsi aparılıb. Qeyd olunanlardan əlavə, səfər proqramı çərçivəsində Şamaxı şəhərini ziyarət edən qonaqlar orada regional “ASAN xidmət” mərkəzində yaradılmış iş şəraiti, vətəndaş məmnunluğuna əsaslanan xidmət modeli, rəqəmsal idarəetmə və operativ xidmət mexanizmləri ilə yerində tanış olublar. Bununla yanaşı, nümayəndə səfər zamanı xalqımızın zəngin mədəni-mənəvi irsi ilə, o cümlədən Bakı şəhərində Milli Tarix Muzeyi, Şamaxı şəhərində isə Cümə məscidi, Rəsədxana və digər memarlıq abidələri tanış olublar. Nümayəndə heyətinin səfəri başa çatıb.

"Cinayətkarlıqla mübarizədə nəzəri və praktiki mübadilə” mövzusunda seminar keçirilib Baş Prokurorluğun Elm-Tədris Mərkəzinin dəstəyi ilə 7 may 2026-cı il tarixində Bakı Dövlət Universitetinin Hüquq fakültəsində “Cinayətkarlıqla mübarizədə nəzəri və praktiki mübadilə” mövzusunda seminar keçirilib. Tədbirdə Baş Prokurorluğun İstintaq İdarəsinin xüsusilə mühüm işlər üzrə müstəntiqi Xaqani Süleymanlı çıxış edib. Seminarda müasir istintaq metodları, klassik istintaq yanaşmalarından rəqəmsal analitika mərhələsinə keçid, elektron sübutların toplanması və təhlili, müasir istintaq prosesində qarşıya çıxan praktiki problemlər müzakirə olunub. Həmçinin rəqəmsal alətlərdən istifadənin istintaqın effektivliyinə təsiri və bu sahədə beynəlxalq təcrübə barədə iştirakçılara ətraflı məlumat verilib. İnteraktiv formatda keçirilən tədbirdə tələbələri maraqlandıran suallar cavablandırılmış və mövzu ətrafında geniş fikir mübadiləsi aparılıb.

Monqolustanın Baş prokuroru Milli Aviasiya Akademiyası ilə tanış olub