Post #469

Музыкалық аспаптарды тасымалдау туралы FlyArystan әуекомпаниясы жолаушыларға музыкалық аспаптарды әуе көлігімен тасымалдау ережелерін еске салып, сұрақтарға жауап береді: – Музыкалық аспаптарды ұшақта қалай тасымалдауға болады? Музыкалық аспапты ұшақ салонында келесідей түрде тасымалдауға болады: қол жүгінде (егер рұқсат етілген өлшемдерге сәйкес келсе) немесе алдын ала сатып алынған жеке орынға орналастыру арқылы. * Тегін тасымалдауға болатын ең жоғарғы салмақ – 5 кг. Максималды өлшемдері – 56x23x36 см. Ақылы түрде 10 кг дейін арттыруға болады, бірақ өлшемдері мен саны өзгеріссіз қалады, яғни, бір дана қолжүгінің өлшемі 56x23x36 см-ден аспауы тиіс. Кез келген қолжүгі, оның ішінде музыкалық аспапты қоса алғанда, барлық бөліктерімен (қаптамасы, қапшығы және т.б.) стандартизаторға сәйкес келуі тиіс. – Музыкалық аспап үшін орын сатып алудың маңызы неде? Жолаушыларға қамқорлық көрсету (әр жолаушының қолжүгін орналастыруға жеткілікті орын беру құқығы) және музыкалық аспаптың қауіпсіздігін қамтамасыз ету мақсатында, егер аспаптың өлшемдері қолжүгінің өлшемдерінен асып кетсе, оған жақын орынды сатып алу мүмкіндігі ұсынылады. – Қызметті қалай рәсімдеуге болады және оның бағасы қанша? Ұшақ салонында қосымша орын талап ететін музыкалық аспапқа билет рәсімдеу үшін FlyArystan байланыс орталығына тікелей (сатып алудан бұрын) +7 727 331-10-10 нөмірі бойынша, WhatsApp чатына +7 702 702-02-27 (қоңыраулар қабылданбайды) немесе Live-chat арқылы хабарласу қажет. Қызмет құны ағымдағы қолжетімді тариф бойынша қосымша орын құнына сәйкес анықталады. – Егер қызмет рәсімделмесе, не болады? Егер қызмет рәсімделмесе, музыкалық аспапты жолжүк бөліміне тапсыру қажет (әуекомпания аспаптың қауіпсіздігіне жауапкершілік алмайды) немесе әуежайдың сақтау камерасында қалдыру керек. – Неліктен әуекомпания мұндай ережелерді ұстанады? Лоукостерлердің қолжүктерге қатысты ережелері ұшақ бортында көп жолаушы болғандықтан, әр жолаушының қолжүгін орналастыру мүмкіндігі болуын қамтамасыз ету мақсатында белгіленген. Бұл ережелер әлем бойынша басқа лоукостерлерде де қолданылады. – Неліктен әртістер үшін ерекше жағдай жасауға болмайды? Біз өнер өкілдерін құрметтейміз және халқымыз үшін киелі домбыраның құндылығын жоғары бағалаймыз. Дегенмен, FlyArystan әуекомпаниясы үшін қауіпсіздік – басты құндылық. Оның негізгі кепілдігі барлық жолаушыларға бірдей қарау және бірыңғай ережелер мен стандарттарды қолдану болып табылады. Аталған ережелер әр рейсте (шамамен 200 адам) барлық жолаушылар үшін қауіпсіз және жайлы ұшу жағдайын қамтамасыз етеді. – Неліктен компания домбыра тасымалының ережелерін өзгертпейді? Әуекомпания бұл мәселені шешудің әртүрлі нұсқаларын қарастырады. Домбыраны өзімен бірге алып жүру – домбыра ұстаған жолаушылардың негізгі талабы. Бұл лоукостер ұшағында қосымша орын сатып алғаннан кейін ғана мүмкін болады. Себептері мен ережелері жоғарыда толық баяндалған.