TGTGInsighttelegram intelligenceLIVE / telegram public index
TGINSIGHT POST
Post #531
@FlyArystan_official
FlyArystan
Post content
Post content
Жолаушыларға портативті зарядтау құрылғыларын тасымалдау жөніндегі маңызды ақпарат FlyArystan әуекомпаниясы жолаушыларға портативті зарядтау құрылғысын (power bank) тек қол жүгінде тасымалдауға болатындығын ескертеді. Құрылғы аккумуляторының қуаты 160 Вт·сағаттан аспауы тиіс. Литий-металл немесе литий-ионды батареялары бар құрылғыларды тасымалдау ережелері туралы қосымша ақпаратты әуекомпания сайтындағы «Жолжүк»бөлімінен табуға болады. Сонымен қатар, жолаушылар «Жолаушыларға азаматтық әуе кемелерінде тасымалдауға тыйым салынған қауіпті заттардың, сондай-ақ есірткінің барлық түрлерінің тізбесін бекіту туралы» бұйрықпен әуекомпанияның сайтынан таныса алады. Маңызды: жолаушы әуежайдың қауіпсіздік қызметі мен әуекомпания қызметкерлері қойған сұрақтарға жауап беруі тиіс. Егер жолаушының жүгі қауіпсіздік талаптарына сәйкес келмей, тасымалдауға қабылданбаса, FlyArystan әуекомпаниясы мұндай жағдайларға байланысты шығындарға жауапты болмайды.