Post #591

FlyArystan бүгін алты жылдығын атап өтуде! Осы уақыт аралығында біз өстік, нығайып, мол тәжірибе жинадық. Мұндай ұмтылыс — сіздің лоукост сапарларыңызды бұрынғыдан да жайлы ету жолында. Бүгін біз сөзбен емес, сандармен сөйлегіміз келеді. Бұл ретте біз өткен 2024 жылдың қорытындыларына ғана тоқталуды жөн көрдік. Себебі дәл осы көрсеткіштер FlyArystan-ның қазіргі деңгейін нақты көрсетеді. 📊 2024 жылдың негізгі нәтижелері: 4,2 миллионнан астам жолаушы FlyArystan-ды таңдады. Ұшулар үшін ең жиі таңдалатын күн – жексенбі. Жолаушылар арасында ең танымал ұшу уақыты – таңғы сағат 9:00. Ең жиі ұшқан бағыттар Алматы, Астана және Шымкент қалаларына/нан болды. Ең танымал бағыттар: – Алматы – Астана – Алматы – Астана – Шымкент – Астана – Ақтау – Атырау – Ақтау Алдын ала брондау бойынша көш бастаған бағыт: Алматы – Астана Біздің жолаушыларымыз туралы: – Жолаушылардың 62%-ы жалғыз сапар шеккен. – 8%-ы – 12 жасқа дейінгі балалармен бірге ұшқан. – 35%-ы жыл ішінде кем дегенде бір рет FlyArystan қызметін пайдаланған. – Әрбір төртінші жолаушының үшеуі тек 5 кг-ға дейінгі қолжүгін алып жүрген. – 2024 жылы әрбір бесінші жолаушы билет құнын 15 000 теңгеге дейін төлеген. Ал алғашқы бес жылда мұндай тиімді тарифпен 37% жолаушы ұшқан. Цифрлық әдеттер: – Онлайн тіркеуді ішкі рейстер бойынша 92%, халықаралық рейстерде – 89% жолаушы пайдаланған. – 65% жолаушы электрондық отырғызу талонын таңдаған, сол арқылы қағаз қалдықтарын азайтып, экологияны қорғауға себін тигізді. Қосымша қызметтерден сіздің таңдауыңыз: – Жолаушылардың 75%-ы қосымша қызметтерді алдын ала онлайн түрде рәсімдеген. – Ең танымал таңдау — «Комфорт» тарифтік топтамасы. – Әрбір үшінші жолаушы Arystan Cafe-ден тағам мен сусынға тапсырыс берген. – Әр бесінші жолаушы Fly&Fun ойын-сауық жүйесін пайдаланған. Ең көп таңдалғандары — фильмдер мен қалалар жайлы ақпарат. Жүрекке жылу сыйлаған сәттерден: – 554 жолаушы «Komek» қайырымдылық бағдарламасына қатысқан. – Ұшақ бортында 3 жолаушы үйленуге ұсыныс жасаған. – Әуе кемесінде 20-ға жуық ерекше құттықтаулар — туған күн, мерейтой және өмірдің жаңа кезеңінің басталуы құрметіне айтылған. Біз сіздермен бірге осындай ерекше сәттердің куәсі болғанымызға қуаныштымыз. Бүгінгі мерекемізді бірге атап өтуге шақырамыз. Сіздердің әрқайсыңызға шын жүректен алғыс айтамыз! Сіздер — біздің басты бағдарымызсыздар. Сіздердің сенімдеріңіз бен қолдауларыңыз арқылы біз дамып, күннен-күнге жақсарып келеміз. FlyArystan — бұл лоукостерден де тереңірек ұғым. Бұл сандардың артында миллиондаған оқиғалар тұр. Біз сол әрбір оқиғаның бір бөлігі болғанымызды мақтан етеміз.