Post #3585

Сәламатсыздар ма, құрметтілерім! Кейінгі күндері болған жағдайларға байланысты бұл каналдың жұмысын тоқтатамын деп ұйғардым. Бес жылға жуық тегін істеп, жұрттың ықыласына бөлендім, оқырмандарыма әрі әр қолдаушыға ризамын. Мың да бір алғыс! Түрлі желіде мені қолдап, демеу болып отырсыздар. Тек әр бейнеттің зейнеті болса дейсің. Сондықтан енді осы каналдың жұмысын ақылы қылып жалғастырмақшымын. Осы уақыт аралығында талай медиа мен зерттеулерге, диссертациялар мен ғылыми жобаларға, жазбалар мен блогерлерге арқау боларлық контент беріппін. Тегінінің өзі осындай пайдалы болса, ақылысы қандай боларын елестете беріңіздер. "Калькасыз қазақ тілі PRO" деген канал болады. Қосылу құны - 20 000 теңге. Қосылам десеңіздер, өзіме хат жазарсыздар. Ол ақша менің өзге жұмысқа алданбай кітап жазуыма сеп болады деп үміт етемін. Ал ақысы төленген білім құндырақ, қадірлі болатыны тағы белгілі. Ол каналда талқылау болады, сұрақтарыңызға жауап беріп отырамын. Ақылы каналдың оқырманы мені жекеме шығып балағатамайды, диссертациясына материал алса да “ұрлап отырған жоқпын, сатып алдым” деп еркін пайдаланады деп те сенемін.