Post #4330

Алайда, осы баптың үшінші тармағындағы "Қазақстан Республикасы Президентінің кезекті сайлауы" деген тіркес синтаксис жағынан бірінші тармаққа қайшы келіп тұр. Матаса байланысқан сөз тіркесі әлдебір нәрсенің әлдебіреуге тиесілі екенін білдіреді. Яғни, "сайлау президентке тиесілі" деген сөз. Ал Президент сөзі бас әріптен басталып тұрғаны - сол кезде ел басында отырған президент дегенді білдіреді. Демек, сол кездегі президенттің кезекті сайлауы деген сөз. Иә, "очередные выборы президента РК" екенін түсініп отырмыз, бірақ орысшасын білген соң ғана түсінеміз. Бұл жерде орыс тілінің родительный және винительный падеждерін шатастыру "орын алып отыр". Ал қазақ синтаксисінің өз заңы бар))) Осы орайда конституциялық комиссияға ұсыныс: ✅ Қазақстан Республикасы Президентін кезекті сайлау Осы формулировка ыңғайлы болар еді, өйткені "кезектен тыс сайлау" болып қалуы да мүмкін ғой. ✅ кезекті ҚР президенті сайлауы немесе формулироваканы былай өзгертсе: ҚР Президентінің өкілеттік мерзімі аяқталғанға дейін екі айдан кешіктірмей Қазақстан Республикасының келесі президенті сайланады. ҚР президентін кезекті сайлау ҚР Құрылтайының жаңа құрамын сайлау мерзіміне тұспа-тұс келмеуге тиіс