Post #22141

Markaziy Osiyo tabiatini asrash yo‘lida yangi qadam: WISPA-CA ilk ekspeditsiyasi yakunlandi ​Markaziy Osiyodagi yovvoyi qo‘ylar assotsiatsiyasi (WISPA-CA) mintaqamizning noyob faunasini o‘rganish va muhofaza qilish borasidagi faoliyatini jadal boshladi. O‘zbekiston, Qozog‘iston, Qirg‘iziston, Tojikiston va Mo‘g‘ulistonning yetakchi olimlarini birlashtirgan ushbu tashkilot o‘zining ilk yirik qo‘shma ekspeditsiyasini Qoraqalpog‘iston va Surxandaryo viloyatida amalga oshirdi. ​2026-yilning 3-7-aprel kunlari WISPA-CA guruhi Ustyurt platosining janubiy qismida keng ko‘lamli monitoring ishlarini olib bordi. Tadqiqotlar "Janubiy Ustyurt" milliy tabiat bog‘ining Sariqamish ko‘li, Sordja, Quruqko‘l, Qoplonqir, Qoratosh, Qulontaqir va Assake-Audana kabi muhim tabiiy hududlarni qamrab oldi. ​"Janubiy Ustyurt" milliy tabiat bog‘i — 1 mln gektardan ortiq maydonni egallab, noyob ekotizimlarni o‘zida jamlagan. ​📊 ​Ekspeditsiya davomida olimlar 1000 km dan ortiq masofani bosib o‘tib, hayvonot dunyosining holatini o‘rgandilar. ​🤝Transchegaraviy hamkorlikning ahamiyati Tadqiqotlar shuni ko‘rsatdiki, jayron va yovvoyi qo‘ylar kabi hayvonlar doimiy ravishda O‘zbekiston, Qozog‘iston va Turkmaniston o‘rtasida migratsiya qiladi. Bu esa mintaqada transchegaraviy muhofaza etiladigan tabiiy hududlarni tashkil etish naqadar muhim ekanligini yana bir bor isbotladi. ​🚀Kelajakdagi rejalar ​WISPA-CA faoliyati faqat sanoq bilan cheklanib qolmaydi. Olingan ma’lumotlar asosida quyidagi chora-tadbirlar ishlab chiqilmoqda: ​🧪Ilmiy asoslangan monitoring: Noyob turlarni tiklash bo‘yicha xalqaro dasturlarni joriy etish. ​🛡Brakonerlikka qarshi kurash: Tabiiy yashash joylarini muhofaza qilishni kuchaytirish. ​📢Ekologik ta’lim: Mahalliy aholining tabiatni asrash borasidagi xabardorligini oshirish. ​Markaziy Osiyoning noyob tabiiy merosini asrab-avaylash — kelajak avlod oldidagi burchimizdir! 📱Instagram📱Telegram 📱Facebook📱Youtube