МАРВАРИД ФИКРЛАР

#тун_ҳикмати Сабрни чиройли тарзда ўташни имкон қилган киши бошқа ҳар қандай ишни чиройли тарзда қилишга имкон топа олади. Хайрли тун! Эрталаб уйғониш бахти насиб этсин, илоҳим! Тунингиз осуда ўтсин! Тонгги ғойибона дийдор қадар Аллоҳ хавфсизлигида асрасин! @Marvaridfikrlar

#дуо Аллоҳим! Сендан ўтинчим, сифатим ва сийратимни, хизматим ва ёрдамимни яхшилик-ла ёд этадиган, тили ва дили бир пок инсонларни тушимда намоён, ўнгимда ҳамроҳ қил! @Marvaridfikrlar

#ҳикмат_булоғи Ривоятларда айтилишича, Ҳазрат Сулаймоннинг: «Бу дунёдаги ҳамма нарса ўткинчи», - деган сўзлар ўйиб ёзилган узуги бўлган. Сулаймон ҳаётининг қайғули онларида узукдаги ана шу ҳикматли битикни ўқиб, таскин топган. Бир куни унинг бошига шундай бахтсизлик тушадики, узукдаги сўзлар дардига малҳам бўлолмайди. Сулаймон ғазаб билан узукни ечиб, отиб юборади ва думалаб бораётган узукнинг ички томонида ҳам аллақандай битик борлигига ногаҳон кўзи тушади. Ўрнидан туриб, узукни қўлига оладида, битикни ўқийди. Узукнинг ички томонида: «Бу ҳам ўтиб кетади», деган ёзувлар бор эди. Сулаймон аччиқ кулимсираб, узукни бармоғига тақади ва умрининг охиригача уни ечмайди. @Marvaridfikrlar

#шеърият Узоқ йиллар, кўўўп узоқ йиллар, Алдаб келдим ўзимни ўзим. Меники, деб шу қизил гуллар, Меники, деб ҳар айтган сўзим. Тўғри, гуллар меники эрур, Меникидир, ҳар айтган сўзим. Нима қилай ахир уларни, Ўзимники бўлмасам ўзим?! Тилак ЖЎРА Я долго сам себе врал, Выдав, как свои истинные. Цветы, которые рвал, И слова, мною сказанные... В правду, были моими, всё же, Цветы и слова, сказанные мной. А вот, тут-то быть как же, Когда я сам совсем не свой?!.. Перевод Лутфилло САЙЙИДА @Marvaridfikrlar

#шукрона ШУКРОНА (Устоз Қаландар Абдураҳмонга бағишланади) Минг шукр, ушбу наврўз етмишни қораладим, Отам, онам етмаган маррани марраладим. Магар, ортимга боқиб, умримни сараладим... ...Менга бир мақтов ўргат, шаънингга айтай, Мавлон! Бу дунёйинг кемадиа яхши-ёмон суздим мен, Ўзингга аён, нени буздим, нени туздим мен, Наздимда, ҳар жабҳада кам қилмадинг, ўздим мен. ...Менга бир мақтов ўргат, шаънингга айтай, Мавлон! Ҳарчи шошдим-оқсадим, эшкак Сенинг қўлингда, Ҳаловат-хавотирим, бешак, Сенинг қўлингда, Қабримни безар гул, ё хашак, Сенинг қўлингда. ...Менга бир мақтов ўргат, шаънингга айтай, Мавлон! Баъзида ашъоримдан ўзим ҳайрат этгайман — Мен ким бўлдимки андоғ шеъру ғазал битгайман? Биламан, хуш ироданг - не шарафга етгайман. ...Менга бир мақтов ўргат, шаънингга айтай, Мавлон! Мўъжаз умримда бўлди турфа даврон муштарак, Гоҳи юлдуз - гоҳи ой дийну иймон муштарак, Бирда ҳайрон муштарак, бирда шодмон муштарак. ...Менга бир мақтов ўргат, шаънингга айтай, Мавлон! Етмиш йилда етмиш минг инсон кўрдим, жон кўрдим. Ким бовужуд бовиждон, кимни бевиждон кўрдим. Кимни ватан фахри-ла, кимни бемакон кўрдим, ...Менга бир мақтов ўргат, шаънингга айтай, Мавлон! Бўлмас ломаконликдан буюк армон, дейдилар, Ватаннинг чангги минг бир дардга дармон, дейдилар, Менинг тилло юртимни Ўзбекистон, дейдилар, Менга бир мақтов ўргат, шаънингга айтай, Мавлон! Кездим ҳаёт водийсин гоҳ баланд, гоҳ пастқамда, Адашмадим муҳим бир сўз ва ёки рақамда, Балки, аждодлар руҳи қўллаб турган орқамда. ...Менга бир мақтов ўргат, шаънингга айтай, Мавлон! Ҳа, имдод сайёдиман, ким нима деса десин; Аждодларим ёдиман, ким нима деса десин. ...Алининг авлодиман, ким нима деса десин, Менга бир мақтов ўргат, шаънингга айтай, Мавлон! Вужудимда Нуртазо қонининг қирмизи бор, Минг бир улуғ феълининг магар бир илдизи бор, Кафтларимда зулфиқор дастасининг изи бор, Менга бир мақтов ўргат, шаънингга айтай, Мавлон! Абу Ҳанифа Нўъмон ҳанафий эрур, алҳамд, "Сирожул умма” аркон ҳанафий эрур, алҳамд; Мазҳаби менга эҳсон, ҳанафий эрур, алҳамд. ...Менга бир мақтов ўргат, шаънингга айтай, Мавлон! Фахр этмайми дунёда – Бухорийга элдошман, Қашқа киму Сурхон ким – Термизийга қўлдошман, “Она” деб тил чиқарган - тилдошман, кўнгилдошман. ...Менга бир мақтов ўргат, шаънингга айтай, Мавлон! Қарийб минг йил эътиқод дарсини оҳорлаган, Араб, Ажам баробар, Сайрам сари чорлаган, Буюк жаддим Яссавий маёқ эрур порлаган. ...Менга бир мақтов ўргат, шаънингга айтай, Мавлон! Шажарам сараладинг — Ўзинг борсан, не ғам бор; Ғуруримнинг тожида Атойидек жиғам бор; Фунун меҳварда устоз Қаландардек оғам бор. ...Менга бир мақтов ўргат, шаънингга айтай, Мавлон! Лутфилло САЙЙИД @Marvaridfikrlar

#хайрли_тонг Яна бир бетакрор кун бошланди, у БУГУН деб аталади! Бугун 26 май, ҳафтанинг сешанба — АРАФА куни. Кунингиз хайрли, барокатли бўлиб, гўзал ва мазмунли ўтсин! @Marvaridfikrlar

#хайрли_тун Сен кўнглингдан ўтказган киши сени кўнглидан ўтказар... Руҳлар тили ишончлидир... Шамс ТАБРИЗИЙ Хайрли тун! Яхши дам олинг! Тонгги ғойибона дийдор қадар Аллоҳ хавфсизлигида асрасин! @Marvaridfikrlar

#панднома Орзулар сиз ухлаганда кўрадиган нарса эмас, ОРЗУЛАР — сизни ухлашга бермайдиган нарсалардир. Криштиану РОНАЛЬДО @Marvaridfikrlar