Post #3918

Reddit сайтида савол беришди, қайсидир шахсга қараб, унинг ишлари жойидалигини қаердан билса бўлади, деган. Жавоблардан бири қуйидагича: – Ҳеч бўлмаганда тоза кўриниш ва парваришланган бўлиш. Кийимлар ювилган ва парвариш қилинган. – Уй ва машинани тоза тутиш. – Учрашувларга вақтида келиш ва ваъдасини бажариш. – Учрашувларга тайёрланиб келиш. – Молиявий аҳволи қониқарли/эплаб бўлмас қарзлар бўлмаслиги. – Имкониятлар доирасида яшаш. – Келажаги режаларини тузиш. – Мунтазам равишда машқ қилиш ва соғлом овқатланиш. * * * Эрталабки бадантарбия муҳимлиги ҳақида кеча дўстларим билан суҳбатлашгандим. Ва ёш улғайган сари баданни, соғлиқни сақлаб қолиш аҳамияти ортиб бораверади. Вақтли ухлаш, тўғри овқатланиш, семириб кетмаслик, пиёда юриш, юклар билан машқ қилиш айниқса 40 ёшдан кейин зарур бўлаверади. Ҳа, айнан “качок” 40 дан кейин мажбурий, зарар эмас, бўлмаса мушаклар “эриб”, йўқ бўлиб кетаверади. Лекин буларга вақт ажратиш учун, бефойда, зерикарли эмас, зарур ва фойдали эканлигини англаш учун инсон эркин бўлиши шарт, “матрица”ни кўра олиши лозим.