Post #4428

Трамп келганидан кейин сиёсатимиздаги ўзгаришлар: Наркотик савдоси билан аёвсиз кураш кампанияси бошланди. Трамп ҳам чегараларни ёпди, картеллар билан курашни бошлади. АҚШда Мексика картеллари тарқатаётган кимёвий моддалар Хитойда ишлаб чиқарилади. Наркоуруш кеча ихтиро қилинмаган. Хитой экспансияси ёритилишга ўтилди. АҚШда Канада ва Мексика молларига қўйилган тарифлар оширилганлиги ҳам Хитойга АҚШ бозорини анча чеклади. Трамп-Байден-Трамп администрациясида ягона сақланиб қолган сиёсат бу Хитойга қарши ҳаракатлар эди. Атлас-дўппи кийдириш ташаббуси бошланди. Мақсад, "Ўзбек" сиёсий миллатини қайта тиклаш, яхлит ҳолга олиб келиш. Аслида, бундан АҚШ ҳам, Хитой ҳам фойдаланиши мумкин; жамиятнинг исломийлашиши, ҳудудлашиши, табақалашиши ва ҳоказо тенденциялар советлар даврида қурилган сиёсий миллатини анча "суюлтурганди". Мобилизация учун эса жипслашган омма керак, ярми умрага борадиган, ярми ароқ ичадиган, ярми феминист, қолгани кичик тадбиркор-кулак аҳолидан мақсадли фойдаланиш мушкул иш. Албатта, вақт Украинадаги каби бемалол эмас, у ерда 2000 йиллар бошидан миллий фонни кўтариш ишлари бошланганди, украин тилининг ривожининг ўзига АҚШ 5 млрд доллар ажратган, лекин тез ва қўпол ва арзон усуллар ҳам иш бераверади. Рамазоннинг биринчи декадасида халқнинг асабига тегиш бошланди, йигитларни масжиддан тўсиш ташаббуси кўтарилди. Кучли имомлар бор масжидларда муфтиятнинг бу буйруғи нейтраллаштирилди, лекин қаерлардадир бу нарса амалга ошаяпти. Хуллас, ишлар тезлашиб кетди.