Post #4563

Бошқа бир киши айтади, ўғлимни участковой ёзиб берди, соқол бўйича масжидга суҳбатга чақиртиришди, ўзим ҳам бордим, ҳалигилар билан тортишиб, талашдим, дейди. Бир ёш йигит, ИИБ ҳодими бўлса керак, ўғлимнинг телефонини бир кўрай, деб талаб қилаётганмиш, йўқ, бермайди, деб рад жавобини бердим, дейди. Яъни, "был бы человек, а статья найдется". Ва бу ходимларга план белгиланган, ҳар куни тиним билмай "диний экстремизм" билан курашиши керак, кўрсатгичларни тақдим этиши керак, бўлмаса шунча структуралардаги инсонлар тирикчиликсиз, бонусларсиз, конверт, погонлар, пенсиясиз қолади, энг муҳими, яшаш учун мақсаддан маҳрум бўлади. Ва албатта, ҳалиги "диний экстремизм" деганимизда, "исломий" деб тушунишимиз керак. Бундай "аксилтеррор" ташкилотлари, бўлимлари ва тизимлари мавжуд экан, бизда диний терроризм топилаверади. Шунинг учун ушбу бир-бирига боғлиқ ва бир-бирини қўллаб қувватловчи структура, бўлим, қўмита ва идоранинг мавжудлигини кўриб чиқиш керак.