Post #5034

Мия Олий Ҳазратлари: Куч ва оғриқ йўли "Менинг миям" дейиш катта хато. Бу сенинг миянг эмас. Сен ўз миянгнинг қулисан. Чунки мия асосий нарса, тана эса унинг қўшимчасидир. Буни тушунтириш учун бир ривоятни кўрайлик. Найзали маймун ҳақидаги ривоят Қадим замонда ўрмонда маймунлар яшарди: кичкина, ифлос ва ночор. Улар шохдан-шохга сакрар, бир-бирларига ахлат ва банан пўчоғини отишарди. Совуқ тушганда бир-бирларини қучоқлаб, титраб-қақшаб исинишарди. Йиртқич ҳужум қилганда эса тўрт томонга тумтарақай бўлиб қочишарди. Кимдир қутуларди, кимдир эса йиртқичнинг чангалига тушарди. Бир куни улар ажойиб ҳодисага гувоҳ бўлишди. Ўрмонда худди ўзларига ўхшаган маймун юрарди, лекин у тўрт оёқлаб эмас, икки оёқда эди. Бир қўлида машъала, бошқасида найза бор эди. Маймунлар бундай ғаройиб манзарани кўриш учун тўпланишди. Мусофир маймун уларга қарата нутқ сўзлади: — Менда найза бор, шунинг учун йиртқичлардан қўрқмайман. Найзамдаги 56 та кертик — бу мен ўлдирган 56 та йиртқичдир. Мен совуқдан ҳам қўрқмайман, чунки қўлимда машъала бор ва исталган пайтда олов ёқишим мумкин. Сиз ҳам шундай бўлишни хоҳлайсизми? Маймунлар "Хоҳлаймиз, хоҳлаймиз!" дея қичқиришди. Бироқ, уларнинг ярми дарҳол қочиб кетди. Қолганлари эса тинглаш ва балки бирор нарса ўрганиш учун қолишди. Мусофир уларга керакли ёғочни қандай топиш, унга қандай ишлов бериш, учини қандай ўткирлаш ва олов ёқишни тушунтира бошлади. Ҳатто тўда сардори — ўрмоннинг "бош маймуни"дан ҳам элчилар келди. Кузатиб, хабар бердилар: "Умуман олганда, унчалик хавфли эмас экан. Йиртқичлар билан ҳеч ким музокара олиб бормоқчи эмас, бош маймунни ағдаришни ҳам режалаштирмаяпти. Майли, шуғулланишсин, лекин эҳтиёт бўлиш керак." Муҳит тузоғи Мураббий маймун ўрмондаги бошқа жониворларга олов ва найза олиб бориш учун йўлга чиқди. Шогирдлар эса қолишди. Лекин уларни ким ўраб турарди? Улар ҳамон ўша шохдан-шохга сакраш, шўхлик қилиш, қийқириш ва бир-бирига какашка отишда давом этаётган маймунлар орасида яшарди. Вақт ўтиши билан шогирдлар ўрганган нарсаларини унутиб бордилар. Охирги найза синиб қолдими? Майли, кейинроқ янгисини ясаймиз... Аммо энди ясай олишмади. Мия бахт учун яратилмаган Ўз устида тинимсиз ишлаш зарур. Мия қулайлик учун ҳам, бахт учун ҳам, дангаса бўлиб ётиб дам олиш учун ҳам керак эмас. Мия — меҳнат учун. Онг — бу шунчаки интерфейс, миянинг ўзи эса оғир шароитларда омон қолиш учун яратилган. Бизнинг танамиз қулайликка эмас, балки курашга мўлжалланган. Инсоният очликка қарши курашишни ўрганди — маданий дунёда ундан ҳеч ким ўлмайди. Аммо инсоният тўкинчиликка бардош беришни ўрганмади. Шунинг учун жуда кўп одамлар семизликдан азият чекмоқда: тўкинчилик очликдан кўра оғирроқ синов бўлиб чиқди. Катта миянинг лаънати Кичик мияли маймун учун банан етарли. Минимал талаблар бажарилса, етарли: футбол кўриш учун телевизор, пиво, чипслар ёки интернет — ва маймун ҳаётидан мамнун бўлади. Катта мияли маймун эса бутун ўрмонни кўради ва саволлар беради. Катта мия ишлатилмаса, у лаънатга айланади: Ҳар куни янги нарсаларни ўрганиш лозим. Ҳар куни ўзингизни енгишингиз зарур. Ҳар куни ноқулайликлар билан курашиш керак. Кўпчилик зўриқмасликни ва "банан билан" қолишни афзал кўради. Одамлар ҳеч нарса қилмаслик учун минглаб баҳоналар ва беҳуда нарсаларни ўйлаб топишди, натижа ўз-ўзидан келишига ишонтиришади. Бироқ ҳаракатсиз натижа бўлмайди. Оғриқсиз натижа бўлмайди. Фақат ҳаракат ва оғриқ тараққиётни таъминлайди. Йиртқич ёки ҳимоячи — бу куч йўли. Ўтхўрлик бўйсуниш ва заифлик йўлидир. Олдингда учта йўл бор. Танла.