Post #5118

Аёл киши жуда сезгир бўлади, – муаммоларни олдиндан кўра билади, сеза билади. Шунинг учун оилада (ишхонада) қандайдир муаммо пайдо бўлишини олдиндан сезади, шунга кўра ҳаракат қилади, "чўкаятган кема"дан қочади. Натижада аёлларнинг қарор қабул қилиш мустақиллиги, яна буни "агентлик" ҳам дейилади, ўз қўлида бўлган замонавий ўлкаларда (Ғарб, Европа, Россия) ажрашишларнинг 70% ни аёллар уюштиради (ўқиган аёлларда бу кўрсатгич 90% га етади). Бироқ, аёлларнинг невротиклик даражаси ҳам эркакларникидан юқорироқ. Невротикликка масалан психолог Orion Taraban шундай таъриф беради: "мавҳум муаммоларни ҳақиқий деб билиш". Бу дегани, ўша 70%–90% кейсларда оилавий муаммоларнинг ҳаммаси ҳам ажрашишга арзигулик эмас эди, лекин аёллар ваҳимага тушиб, [нотўғри] қарор қабул қилиб юборишган. Гўёки уларни мустақил қарор қабул қила оладиган ва кучли аёл қилиб тарбиялашди. Бизнинг энг катта муаммоимиз ҳам шунда ётади, аёлларни эркакдек қабул қиламиз, ёки эркакларни аёлдек қабул қиламиз. Лекин буларнинг фикрлаши, "дастурий таъминоти" жуда фарқ қилади. Аёл киши заифликдан келиб чиқиб ҳаракат қилади. Чунки адашиши ўта қимматга тушади, у оналик вазифасини бажаради, ҳатто плацента номли орган ҳам эркак ДНКсидан ҳосил бўлар экан. Бу дегани аёл киши ўта эҳтиёткор бўлаверади. Лекин ҳалиги психикасининг биологияга асосланган невротик ҳусусияти ижтимоий соҳага салбий таъсир кўрсатмаслиги учун аёл киши фақат ўз хоҳиши билан эридан ажрашиб кетиши нотўғри бўлаверади ва бу статистика билан ҳам асосланган. Шунинг учун аёлни валийси бўлиши керак, ёки замонавий Ўзбекистонда жуда бўлмаса участковой ва маҳалла еттилиги аралашиши керак, бу дегани аёлга ажрашиш борасида агентлик ҳуқуқини бериш хато бўлаверади. "70% of divorces are filed by women, this increases to 90% if we only focus on college educated women" https://www.reddit.com/r/AskSocialScience/comments/11yoavf/70_of_divorces_are_filed_by_women_this_increases/ #h