Post #4258

Бир уйда каламушлар кўпайиб кетибди. Хўжайин уларни йўқ қилиш учун мушукни уйига олиб келибди. Мушук каламушларга қарши қақшатгич зарба бера бошлади. Бир куни у бир каламушни тутиб энди емоқчи бўлиб турган эди, бир қари каламуш келиб: — Агар бизни қириб қириб ташласанг, сенга бу уйда қилишга иш қолмайди, кейин хўжайин сени ҳайдаб юборади. Яхшиси, сен 2-3 ойда бирорта нўноқ каламушни тутиб хўжайинни қувонтириб тур. Шунда сен ҳам, биз ҳам бахтиёр яшаймиз, — дебди. Мушук гапга кўнибди. Натижада каламушлар кўпайиб кетибди. Мушук эса бир ўзи улгуролмаётганини хўжайинга айтиб, яна битта мушук штатини кўпайтирибди. Шу-шу бўлиб, мушуклар ҳам кўпаяверибди, каламушлар ҳам... P.S.: Биздаги коррупцияга қарши курашишга масъул бўлганлар ҳам ишини йўқотиб қўйишдан қўрқиб, "каламуш"лар билан келишиб олгандек гўё... ✍️Вафо Мўмин