Post #577

Шапан киген роботтар мен түрік жұлдыздары: Жамбыл облысында Наурыз қалай өтті? Жамбыл облысы ғасырлар бойғы дәстүрлер мен заманауи технологияларды үйлестірген мазмұнды бағдарлама ұсынды. Өңірде 250 мерекелік іс-шара өткізіліп, оларды офлайн форматта 200 мыңнан астам адам тамашаласа, онлайн кеңістікте жарты миллионнан астам қолданушы бақылады. Қонақтар үшін 20-дан астам цифрлық шешім ұсынылып, визуалды көріністі 164 баннер мен LED-экран толықтырды. Облыс қалаларында 74 тақырыптық киіз үй тігіліп, сахналарда 100 өнерпаз өнер көрсетті. Олардың қатарында Қанат пен Света Айтбаевтар, Айгүл Қосанова және арнайы қонақ — түрік әншісі Мурат Япрак бар. Сонымен қатар, ұлттық нақыш цифрлық форматта жаңаша ұсынылған интерактивті аймақтар тұрғындардың ерекше қызығушылығын тудырды.