Post #1084

Тропáрь, глас 4 Днесь благовéрнии лю́дие, свéтло прáзднуем,/ осеня́еми Твои́м, Богомáти, пришéствием,/ и к Твоему́ взирáюще пречи́стому óбразу, уми́льно глáголем:/ покры́й нáс честны́м Твои́м Покрóвом/ и избáви нас от вся́каго зла,/ моля́щи Сы́на Твоегó, Христá Бóга нáшего,// спасти́ ду́ши нáша. Кондáк, глас 3 Дéва днесь предстои́т в цéркви/ и с ли́ки святы́х неви́димо за ны мóлится Бóгу,/ Ангели со архиерéи покланя́ются,/ апóстоли же со прорóки ликовству́ют:/ нас бо рáди мóлит Богорóдица Превéчнаго Бóга. Величáние Величáем Тя,/ Пресвятáя Дéво,/ и чтим Покрóв Твой святы́й:/ Тя бо ви́де святы́й Андрéй на возду́се,// за ны Христу́ моля́щуюся.