Post #903

О Всепе́тая Ма́ти Безсме́ртнаго Царя́ Небесе́ и земли́, Христа́ Бо́га на́шего, живу́щая и по сме́рти, ны́нешняя приноше́ния о всечестно́м Твое́м Успе́нии от нас прие́мши, в жи́зни сей и в сме́ртнем успе́нии на́шем от вся́кия напа́сти, бед и му́ки изба́ви и Небе́снаго Ца́рствия нас, Цари́це, сподо́би, о Тебе́ вопию́щих: Аллилу́иа.💐🕊 Величание Велича́ем Тя, Пренепоро́чная Ма́ти Христа́ Бо́га на́шего, и всесла́вное сла́вим Успе́ние Твое́.💐🕊