Post #1455

✅13 красавіка лідар валанцёрскага аб’яднання Віцебскага філіяла Міжнароднага ўніверсітэта «МІТСО» – студэнт групы 2164 Антон Самавараў завітаў да студэнтаў 1-га курса спецыяльнасці «Лагістыка», дзе правёў гутарку, прысвечаную прафілактыцы ВІЧ-інфекцыі/СНІДу. ❗Антон распавёў пра гісторыю ўзнікнення захворвання, яго сімптомы і меры бяспекі, а таксама пра сітуацыю з ВІЧ-інфікаванымі ў нашай краіне. 🔔Асобную ўвагу лідар валанцёрскага аб’яднання звярнуў на такі спосаб заражэння ВІЧ-інфекцыяй, як нанясенне тату. Асабліва небяспечным з’яўляецца аказанне такой паслугі тату-майстрам у сябе дома. Рабіць татуіроўкі настойліва рэкамендуецца ў зарэкамендаваных тату-салонах з выкарыстаннем новых аднаразовых інструментаў і з распакоўкай іх выключна ў прысутнасці кліента. ✅Размова, безумоўна, выклікала жывую зацікаўленасць у студэнтаў-лагістаў і не прайшла дарэмна.