Post #1495

✅19 красавіка лінгвісты-трэцякурснікі Віцебскага філіяла Міжнароднага ўніверсітэта «МІТСО» разам з куратарам Таццянай Дубоўскай наведалі персанальную фотавыставу «Свет імгненняў. Валерый Несцераў», якая зараз дзейнічае ў Музеі гісторыі прыватнага калекцыянавання (Фрунзэ, 13). 📸Прадстаўленая фотавыстава – гэта своеасаблівы расповед пра творчасць аднаго з заснавальнікаў віцебскага фотаклуба Валерыя Несцерава. Па словах самога фатографа, менавіта бацька прывіў яму любоў да фотаздымка. А нараджэнне дачкі яшчэ больш яго натхніла любімы занятак. Творца імкнуўся адлюстраваць на фатаграфіі кожны крок і ўсмешку свайго дзіцяці… 🖼️Сёння Валерый Несцераў не ўяўляе сябе без фота. Аўтар даволі часта фатаграфуе фестывалі, канцэрты і іншыя мерапрыемствы горада, а яго рэпартажы заўсёды адрозніваюцца ўменнем заўважыць галоўнае і перадаць убачанае незвычайна ды прыгожа.