Post #1612

✅Студэнты-валанцёры Віцебскага філіяла Міжнароднага ўніверсітэта «МІТСО» прынялі ўдзел у дыялогавай пляцоўцы «Валанцёрскі рух ВДМУ», якая прайшла падчас традыцыйнага фестывалю «Студэнцкая вясна ВДМУ – 2022». 📌У межах заяўленага мерапрыемства былі зладжаны два майстар-класы – «Інклюзіўны этыкет у зносінах з людзьмі, якія страцілі зрок» і «Інклюзіўнае ўзаемадзеянне – бяспечнае суправаджэнне людзей, якія перасоўваюцца на інваліднай калясцы». 💥Усе ўдзельнікі дыялогавай пляцоўкі на практыцы навучыліся правілам паводзін з людзьмі з абмежаванымі магчымасцямі: студэнты-валанцёры даведаліся, як правільна суправаджаць чалавека, што страціў зрок, на вуліцы і ў памяшканні, як аператыўна аказваць дапамогу пры ўездзе людзей з інваліднасцю ў грамадскі транспарт, пры пераездзе праз бардзюры і падчас падзення. Акрамя гэтага, хлопцы і дзяўчаты асвоілі тэхнічныя асаблівасці інваліднай каляскі, што з'яўляецца надзвычай важным момантам пры аказанні дапамогі.