Post #1636

✅Напярэдадні Міжнароднага дня музеяў, які штогод святкуецца 18 траўня, студэнты-лінгвісты групы 1964 Віцебскага філіяла Міжнароднага ўніверсітэта «МІТСО» разам з куратарам Таццянай Дубоўскай наведалі выставу «Графіка года'21» у Музеі гісторыі Віцебскага народнага мастацкага вучылішча. 🖼️Экспазіцыю «Графіка года» прадстаўляюць лепшыя графічныя творы 2021 года, а гэта звыш 70 работ 32 аўтараў – членаў Беларускага саюза мастакоў: Марыі Сыракваш, Марыі Кашалёвай-Ліхоты, Ганны Мельнікавай, Андрэя Басалыгі, Вольгі Пагарэлавай, Кацярыны Коўзусь, Вольгі Жэбінай ды многіх іншых. 🎨🖌️Малюнак, акварэль, лінагравюры, літаграфіі, новыя магчымасці лічбавых тэхналогій – усё гэта, прадстаўленае на выставе, дэманструе разнастайнасць творчых падыходаў і тэхнічных эксперыментаў ў галіне арыгінальнай і друкаванай графікі айчынных майстроў графічнага мастацтва.