Post #2248

#МИТСО_ВИТЕБСК💙 💫Напярэдадні Міжнароднага дня роднай мовы, які святкуецца ва ўсім свеце сёння, 21 лютага, у госці да студэнтаў-лінгвістаў Віцебскага філіяла Міжнароднага ўніверсітэта «МІТСО» завітаў Міхась Рубін. 💥Міхась Рубін – вядомы ў нашым горадзе чалавек. Творца, аўтар шасці паэтычных зборнікаў, кампазітар, музыка, педагог, пастаянны ўдзельнік фестывалю-конкурсу аўтарскай песні, паэзіі і візуальных мастацтваў «Віцебскі лістапад», стваральнік аўтарскага міні-фестывалю RubinFest, які штогод ладзіцца ў красавіку ў КЗ «Віцебск». 🎸Падчас сустрэчы госць выканаў на гітары ўласныя музычныя кампазіцыі на вершы беларускіх паэтаў (Рыгора Барадуліна, Анатоля Сыса, Леры Сом і інш.). ✨А песня на верш Марка Шагала «Мой горад» у перакладзе на беларускую мову Рыгора Барадуліна зачаравала ўсіх прысутных сваёй лірычнасцю, шчымлівасцю і асаблівай пранікнёнасцю.