Post #3394

👤У Віцебскім філіяле Міжнароднага ўніверсітэта «МІТСО» адбылася сустрэча валанцёраў атрада «Нераўнадушнае сэрца» і ўсіх ахвотных студэнтаў з начальнікам Віцебскага прытулку для бяздомных жывёл Алай Сяргееўнай Прасолавай. 🐱🐶Ала Сяргееўна распавяла пра жыцццё гадаванцаў у прытулку «Добрык», паўсядзённыя праблемы, якія вырашаюць яго работнікі, а таксама пра радасныя моманты пераезду сяброў нашых меншых у клапатлівыя і адказныя сем’і. 👉Да таго ж А.С. Прасолава прыехала не адна, а з чацвераногім сябрам, які падарыў безліч станоўчых эмоцый нашым студэнтам. Хлопцы і дзяўчаты задавалі шмат глыбокіх, сур’ёзных пытанняў, што хвалявалі і цікавілі іх. А гэта значыць, што нашая студэнцкая моладзь нераўнадушна ставіцца да пытанняў, звязаных з лёсам бяздомных жывёл і з адказным абыходжаннем з імі.