Post #4791

Да Міжнароднага дня роднай мовы 📆18 лютага студэнты «МІТСО» прынялі ўдзел у літаратурнай імпрэзе да Міжнароднага дня роднай мовы, якая адбылася ў Віцебскай абласной бібліятэцы. 📖Студэнты спецыяльнасцяў «Лінгвістычнае забеспячэнне міжкультурнай камунікацыі» i «Правазнаўства» прачыталі паэтычныя творы на роднай мове, прысвечаныя светламу пачуццю – каханню. Прыемна чуць родную мову, гэта яшчэ раз падкрэслівае багацце нашай культуры, дапамагае зразумець, наколькі важна захоўваць яе для будучых пакаленняў, – адзначыла Дыяна Шамкова, якая прадэкламавала твор Янкі Сіпакова «Каханне». 📖Кульмінацыяй літаратурнай сустрэчы стала выступленне студэнта з Іраку Разак Харыса, які прачытаў верш Максіма Багдановіча «Раманс» на арабскай мове. 📝Акрамя таго прысутныя напісалі агульную дыктоўку па творы Генадзя Бураўкіна «Неацэнны скарб». vitvesti.by