Post #182

O‘zbekistonda birinchi: biz Awwwards oldik (Oscar team) Awwwards - bu shunchaki chiroyli saytlar galereyasi emas. Bu dunyodagi eng kuchli dizaynerlar va studiyalar eng yaxshilar qatoriga kirish uchun kurashadigan global maydon. Bu yerda hech qanday yon bosish yo‘q - faqat toza dizayn, kreativ, qulaylik va kontent baholanadi. Bu yerga tushish qiyin, sertifikat olish esa undan ham qiyin. Senga kerak bo‘ladi: - Butun dunyodan kelgan top-dizaynerlardan iborat hakamlar hay’atining qat’iy ovozlari - Dizayn, qulaylik, kreativ va kontent bo‘yicha yuqori ball - Har bir ishi san’at asaridek bo‘lgan yuzlab studiyalar bilan raqobat Biz buni qildik. Biz O‘zbekistondan birinchi bo‘lib shu sertifikatni qo‘lga kiritdik. Tanish-bilishsiz, yon bosishlarsiz, faqat tinimsiz mehnat, asab va cheksiz tuzatishlar. Bu shunchaki qog‘oz emas. Bu biz endi dunyo miqyosidagi studiyalar bilan bir maydonda o‘ynayotganimizning belgisi. Va “O‘zbekistonda bu mumkin emas” deganlarga javobimiz: mumkin. Faqat haftaning qaysi kuni ekanini unutib qo‘yadigan darajada mehnat qilishing kerak bo‘ladi.