TGTGInsighttelegram intelligenceLIVE / telegram public index
TGINSIGHT POST
Post #643
@GrowingBytes
Grow and Glow with Tanu🦋🦄
Post content
Post content
Ek Kamra, Ek Ghar Har kamra ek ghar ban jaata hai, jab hum bade hone lagte hain. Phir chahiye hota hai humein ek apna kona, jahan sirf hum ho, aur humari khamoshiyaan. Zid karke le hi lete hain ek kamra, sochte hain yeh azaadi hai — par dheere-dheere samajh aata hai, azaadi ke saath tanhāi bhi aati hai. Wahi kamra, jisme humari khushiyan, hamare gham, aur humare raaz rehte hain. Baat karne ke baad bhi, masle wahi ke wahi rehte hain — kyunki kuch baatein batane se nahi, sambhalne se hal hoti hain. Aur jab apna kamra mil jaata hai, to ek chhupi si shaan aa jaati hai — ek ghamand, ke “ab mujhe kisi ki zarurat nahi.” Madad bhi karte hain, par dil me ginte rehte hain, jaise madad nahi, ek hisaab chuka rahe ho. Aakhir me samajh aata hai — ek kamra sach me ek ghar ban jaata hai, par kabhi-kabhi, wo ghar humse zyada akela hota hai. 🦅