Post #7475

🇯🇵Япония мактабларида ҳақиқий намойишлар ўтказилади: каскадёрлар аварияларни имитация қилишади, одам автобус ортидан югуриб чиқса, машина остига тушиб қолиши мумкинлигини, автомобил қанча вақтда тўхташини ва ҳатто бир сониялик эътиборсизлик қимматга тушиши мумкинлигини кўрсатишади. Бундай дастурлар «Қўрқув орқали ўрганиш» деб аталади. Бу шоу эмас, балки 2000-йиллар бошидан буён бутун мамлакат бўйлаб ўтказиб келинаётган давлат таълим тизими бўлиб, унда полиция ва JAF (Япония автомобиль федерацияси) ҳам иштирок этади. Бола авария қандай содир бўлиши мумкинлигини ўз кўзи билан кўрганда, буни ҳиссий даражада эслаб қолади. Шунинг учун японияликлар таълимни насиҳат орқали эмас, тажриба орқали ўтказишади — бола тормоз овозини эшитади, реакцияни кўради, қўрқувни ҳис қилади ва нега йўлга югуриб чиқмаслик кераклигини ҳеч қачон унутмайди. Japan Automobile Research Institute (2015) тадқиқотлари шуни кўрсатдики: ролли машғулотлардан сўнг 8–9 ёшли болалар йўлдан ўтиш кўникмаларини яхшилаган ва хатолар хавфини камайтирган. Япония шуни исботламоқда: хавфсизлик — бу шиорлар эмас, балки маданият, амалиёт ва тизимли ёндашувдир. Биз ҳам бу тажрибани ўзлаштиришимиз керак — мактабларда ролли намойишлар ўтказиш, болаларни жалб этиш ва назария ўрнига ҳақиқий ҳаётни кўрсатиш лозим.