Post #6048

🚀 O‘zbekiston startaplari “Road to TechCrunch Startup Battlefield” mintaqaviy final bosqichiga yo‘l oldi! Quyidagi O‘zbekiston startaplari 15-avgust kuni soat 06:00 dan 09:00 gacha (San-Fransisko vaqti bilan) bo‘lib o‘tadigan mintaqaviy final bosqichiga yo‘llanma olganini mamnuniyat bilan ma’lum qilamiz: 🔘Mila4AI — sun’iy intellektga asoslangan raqamli logopediya xizmatini taklif qiluvchi O‘zbekistonning EdTech startapi bo‘lib, reabilitatsiya markazlari va oilaviy dasturlarda qo‘llanilmoqda. 🔘HaWoO2 — havoni tozalash va CO₂ miqdorini kamaytirish uchun mikrosuv o‘tlaridan foydalanadigan aqlli fotobioreaktor bo‘lib, yopiq va shahar muhitlari uchun ekologik toza texnologik yechimlarni taqdim etadi. 🔘LYDYA — elektron tijorat va biznesni raqamlashtirish sohasida faoliyat yurituvchi texnologik startap. 🔘ZERO WASTE — yaroqlilik muddati tugashiga yaqin bo‘lgan oziq-ovqat mahsulotlarini chegirmali narxda sotish orqali ularning isrof bo‘lishining oldini olishga xizmat qiladi. 🔘Jobster.hr — samarali kadrlar yollash jarayonlari uchun ishlab chiqilgan nomzodlarni kuzatish tizimi (ATS) bo‘lib, ish beruvchilar uchun katta hajmdagi va maqsadli ishga qabul qilish jarayonini soddalashtirish imkonini beradi. 🌎 Ushbu jamoalar dunyoning eng nufuzli startap sahnalaridan biri — “TechCrunch Startup Battlefield” maydonida o‘z innovatsiyalarini namoyish etish imkoniyati uchun bellashadi.