Oʻzbekiston Yozuvchilar uyushmasi Surxondaryo viloyat boʻlimi

ДИҚҚАТ! ДИҚҚАТ! ОДАМЛАР-У OДАМЛАР, ЭШИТМАДИМ ДЕМАНГЛАР... “САНГАРДАК МУШОИРАСИ” ТАНЛОВИ БОШЛАНМОҚДА Ўзбекистон Ёзувчилар уюшмаси Сурхондарё вилояти бўлими ташаббуси билан 2025-йил ёзида Сангардакда Сурхон ижодкорларининг “Сангардак мушоираси” семинари ташкил этилган эди. Азиз ижодкорлар, бу йил, 2026-йилда ҳам “Сангардак мушоираси” семинарини ўтказиш режалаштирилган. Унда фаол, истеъдодли ёш талантларга имтиёз беришни назарда тутганмиз. Шу муносабат билан Ўзбекистон Ёзувчилар уюшмаси Сурхондарё вилояти бўлими онлайн тарзда “Сангардак мушоираси” ижодий танловига старт беради. Танловда ғолиб чиққан баланд савияли ижодкорлар “Сангардак мушоираси” семинарига бориш учун маълум бир имтиёзларга эга бўлади. Уларга мукофотлар “Сангардак мушоираси” семинари жараёнида топширилади. Қатнашганларнинг ижоди бадиий кенгаш томонидан кўриб чиқилади. Бошқа ижодкорлар “Сангардак мушоираси” семинарига одатий тарзда таклиф этилади. Воҳамизнинг турли жойларида ижод қилаётган 14 ёшдан 30 ёшгача бўлган ижодкорлар жорий йилнинг 20 июнь санасига қадар Ўзбекистон Ёзувчилар уюшмаси Сурхондарё вилояти бўлимига ўз ижодий ишларини юборишлари мумкин! Семинар 7 та: 📜 Назм; 📖 Наср; 🎭 Драматургия; 📑 Бадиий публитсистика; 🌐 Бадиий таржима; 👫 Болалар адабиёти; 📝 Адабий танқид йўналишида ўтказилади. Ёш ижодкорлардан паспорт нусхаси (ёки гувоҳномаси) ҳамда ижодий ишларини (10 саҳифадан 20 саҳифагача, биринчи саҳифасида муаллиф исм-шарифи, телефон рақами таржимаи ҳоли ёзилган ҳолда) файл электрон тарзда юборишлари сўралади. Мурожаат учун: 93 264 64 03 – Донохол Жумаева; 90 747 81 93 – Музаффар Қурбонов Ўзбекистон Ёзувчилар уюшмаси Сурхондарё вилояти бўлими https://t.me/Surxonadabiyoti

#Yosh_ijodkordan_audiosheʼrlar Shahar ✍Azim Ziyo (Azizbek Eshdavlatov) 🎙Ijroda Azim Ziyo Rukn uchun masʼul Muzaffar Qurbonov https://t.me/Surxonadabiyoti

#YOSH_IJODKORNING_BEZOBTA_OʻYLARI Tun. Qorong‘ulik. Yorug‘likning boshlanishi. Bir vaqtning o‘zida quyoshdek porlash va tundek qorayish. Betimsol bir narsa. Tinchini yo‘qotgan daraxtlar sokin suhbat qurishar, aslida qorong‘ulikda ko‘p narsalar yaxshiroq ko‘rinishi haqida gaplashishardi. Tunni ham sevib yaratgan Tangri unga sanoqsiz yulduzchalar va suluv yuzli malakni hadya etgan. Bir zum turib hayolingga bir narsa keladi. Ha ʼʼUʼʼ hammasini ko‘rib turibdi! ✍Malohat Nuriddinova https://t.me/Surxonadabiyoti

VATAN UCHUN JONDAN KECHGANLAR Real voqealar. Real taqdirlar. Ilk bor SI nigohida. Sariosiyo va Uzun voqealari... Bu nomlar ortida yurtimiz tinchligi yo‘lida eng aziz ne’mat — o‘z jonini fido qilgan asl o‘g‘lonlarning qoni va jasorati yotibdi. Ular biz uxlayotganda uyg‘oq bo‘lganlar, biz yashashimiz uchun o‘limga tik borganlar!Ularning so‘nggi nigohlari, mardlik va jasorat to‘la qiyofalari arxiv suratlari asosida sun’iy intellekt yordamida ilk bor qayta jonlantirildi. Bu shunchaki tarix emas, bu — biz uchun, bizning tinch va baxtli hayotimiz uchun fido qilingan jonlar haqidagi mangu qo‘shiq! 🖥Batafsil:https://youtu.be/0PbZwaSm9Uk ✅ BIZNIKUZATIB BORING

#Oltindan_aʼlo_toʻrtlik Yurtni sev Yurtni sev, yurtda yashab, yurtni sogʻin, Yotga boʻlma qul quvvat–sigir sogʻin. Xorijdan nobud keldi – tobut keldi, Koʻrmadik bevatanning bitta sogʻin. ✍Shafoat Rahmatulla Termiziy https://t.me/Surxonadabiyoti

Сурхондарё вилояти ички ишлар бошқармаси ёш ходимлари билан “Янги Ўзбекистонни ёшлар қуради!” шиори остида “Уч авлод” учрашуви ташкил этилди. Ўзбекистон Республикаси Ички ишлар вазирининг 2026-йил 3-июн кунидаги 174-сонли фармойишига асосан вилоят ИИБ бошлиғининг 2026-йил 6-июндаги 57-сон фармойиши қабул қилиниб, ушбу фармойишнинг 1-иловасига асосан тасдиқланган “Янги Ўзбекистонни ёшлар қуради!” шиори остида “Ёшлар ойлиги”ни ташкил этиш ва ўтказиш бўйича дастури ижросини таъминлаш мақсадида бугун Ўзбекистон Ёзувчилар уюшмаси Сурхондарё вилояти бўлими ҳамда Сурхондарё вилояти ички ишлар бошқармаси ҳамкорлигида шоирлар, ёзувчилар, Сурхондарё вилояти ички ишлар бошқармаси фахрийлари ва ёш ходимлари иштирокида “Уч авлод” учрашуви ташкил этилди. Учрашувда, вилоят ички ишлар бошқармаси фахрийлар кенгаши раиси истеъфодаги подполковник Акрам Шарафутдинов ўз нутқида ўзларининг узоқ йиллик мазмунли ҳаёти ва меҳнат фаолияти давомида тўплаган бой тажрибалари, хизмат давридаги ўзига хос қийинчиликлар ва машаққатлар ҳақида сўзлаб, бугунги кунда ҳукуматимиз томонидан нуронийлар қолаверса ички ишлар органлари ходимлари учун яратилаётган шарт-шароитлардан оқилона фойдаланиш кераклиги, эл-юрт равнақи йўлида давлатимиз раҳбарига яқин кўмакчи, камарбаста бўлишлари лозимлиги таъкидланиб, фахрий устозлар тизимида хизмат олиб бораётган ёш ходимлар учун доимий равишда масъул эканликларини айтиб ўтган бўлса, Ўзбекистон Ёзувчилар уюшмаси аъзолари: Донохол Жумаева, Шахноза Қараева, вилоят “Ҳурайда” журнали бош муҳаррири Нортўра Эргашевлар сўз олишиб, адабиётнинг ички ишлар ходимлари ҳамда ёшлар ҳаётида тутган ўрни ҳақида тўлқинланиб гапирдилар. Албатта бу каби учрашувлар мунтазам равишда ўтказилиб борилиши, тизимда хизмат олиб бораётган ёш ходимлар орасида қонунчилик ва хизмат интизомини мустаҳкамлаш, уларни чинакам “Халқ хизматчилари” сифатида тарбиялаш уларнинг қалбида адабиётга, шеъриятга муҳаббатни ватанпарварлик, ҳалоллик ва ор-номус каби туйғуларига эҳтиёжни янада кучайтиради десак муболаға бўлмайди. Тадбирда шижоатли фаолияти билан ўрнак бўлиб келаётган ёш ходимларга Ўзбекистон Ёзувчилар уюшмаси томонидан чоп этилган китоблар совға қилинди. Тадбир қизиқарли ва мазмунли ўтди. Ўзбекистон Ёзувчилар уюшмаси Сурхондарё вилояти бўлими https://t.me/Surxonadabiyoti

https://t.me/Sheriyatadabiyklubi

“Шеърият”нинг шеърияти Қумқўрғондаги “Шеърият”. Бу адабий клуб раҳари Менгнор Олломурод. Адабий клуб янги. Аслида, 45 йилдан бери мушоира давом этади. Кеча... мушоира шарорланди. Оловланди. Шеър ўқимаган кўнгил қолмади. Айниқса, Акбар Малик кашфиёт бўлди. Ҳаммо лол. Тўрт қаторда тўрт минг маъно. Ғоядан қофиягача ярқирайди. Мақсуда Ғаниева ўқиган шеър дилларни яйратди. Ҳалим Маликни биласиз. Катта шоир. Зумрад Абраева оддий, лекин қалби тўлқинли. Шеърлари ажойиб. Ҳамма шеър ўқиди. Менгнор Олломурод ҳам ўзининг бир шеърини айтди. Қизиғи шундаки, “Шеърият” тадбирдан тадбирга улғайяпти. Бу сафар фикрлар, мулоҳазалар, таклифлар, саволлар, баҳслар теранлашди. Ижодкорларга яратилаётган шароиту эътибор ошаётганидан миннатдорлик кўринди. Тадбирда энг фаол ижодкорларга Ёзувчилар уюшмасининг китоблари совға қилинди. Анжуман авжли ўтди. Музаффар Қурбонов Ўзбекистон Ёзувчилар уюшмаси Сурхондарё вилояти бўлими адабий ходими https://t.me/Sheriyatadabiyklubi

2026 yil 10 iyun kuni Termiz shahridagi Adib Sobir Termiziy nomidagi viloyat axborot-kutubxona markazida O'zbekiston Yozuvchilar uyushmasi Surxondaryo viloyat bo'limi tashabbusi bilan tashkil etilgan “Jayxun” adabiy klubining navbatdagi anjumani bo'lib o'tdi. Anjuman doirasida O'zbekiston Respublikasi Prezidentining ijodkorlar bilan uchrashuvida bildirilgan fikr va tashabbuslar muhokama qilinib, ijod ahliga qaratilayotgan eʼtibor va g'amxo'rlik millat maʼnaviyatini yuksaltirishda muhim omil ekani taʼkidlandi. Shuningdek, “Ko'nglim sheʼrlarini o'qiyotirman” mavzusidagi mushoirada qatnashchilar o'zlarining sheʼrlaridan namunalar o'qib berdilar. Nafis adabiyotga oshno qalblar sheʼriyat bahridan bahramand bo'lib, ijodiy fikr almashdilar. Tadbir yakunida kitobxonlik madaniyatini targ'ib qilish va ijodiy faollikni rag'batlantirish maqsadida bir qator faol ishtirokchilarga kitoblar sovg'a qilindi. Bunday maʼnaviy-maʼrifiy uchrashuvlar yosh avlod qalbida kitobga mehr, adabiyotga muhabbat paydo qiladi.

"Xalq so‘zi" gazetasining 2026-yil 11-iyun sonida O‘zbekiston Yozuvchilar uyushmasi raisi, O‘zbekiston xalq shoiri Sirojiddin Sayyidning "Adabiyot bo‘stonida sarrin sabolar" nomli maqolasini o‘qishingiz mumkin. O‘zbekiston Yozuvchilar uyushmasi Axborot xizmati