Post #1377

Алисэ Фахрутдинова билан интервью: «Олимпия ўйинларида бўлиш ҳар бир спортчининг орзуси.» 1. Олимпиададан олган таассуротларингиз? Бу каби стартларда иштирок этиш нечоғли ёқимли ва аҳамиятли ҳамда сизни қанчалик руҳлантирди? Бетакрор таассуротлар, буни сўзда ифодалаш қийин. Ишонч билан айтаманки, Олимпия ўйинларида бўлиш ҳар бир спортчининг орзуси ва менинг орзуим ушалди. 2. Ўзбекистон номидан олимпиада ўйинларида илк бора иштирок этиш қандай? Бу биз учун жуда муҳим эди ва зиммамизда катта масъулият турарди. Замонавий бешкураш Ўзбекистонда мутлақо янги спорт тури ҳисобланади ва айнан ушбу спорт турини илк бор намойиш этиш мен ва Александр Савкин учун жуда муҳим эди. Ишончингизни оқлаб, муносиб натижа кўрсатдик, деб умид қиламиз. 3. Кураш олиб бориш қийин бўлдими? Ростини айтсам, анчайин қийин кечди, Токиога ташрифимга қадар бунчалик қийин бўлади, деб ўйламагандим. Ўзимни психологик ва жисмонан тўлиқ назорат қиляпман, деб ўйлагандим, лекин кучли ҳаяжон келиб, уни бироз енга олмадим. Ҳатто тажрибали спортчилар ҳам бу ҳолатга дуч келади ва мана шундай тажрибага эга бўлганимдан хурсандман. 4. Рақобатчи? Унинг тажриба тўплашдаги ёрдами қандай? Олимпия ўйинларида жаҳоннинг энг яхши спортчилари иштирок этади, шунинг учун улар билан мусобақалашиш жуда катта тажриба. Ушбу мусобақаларда афзалликларим ва хатоларимни кўрдим, бундан бу ёғига улар устида тинмай ишлайман ва кўникмаларимни такомиллаштиришга ҳаракат қиламан. 5. Замонавий бешкураш жуда мураккаб спорт тури ҳисобланади, шунча кучни қаердан оласиз? Спортнинг ушбу тури билан бутун умрим давомида шуғулланиб келаман, тўғрироғи, етти ёшимдан. Аллақачон турмуш тарзимга айланган. Бу спорт турини яхши кўраман ва у мени жуда руҳлантиради.