Neuranet.uz

Bir necha oy oldin Apple kompaniyasi o’zining aqlli ko’zoynaklarini taqdim qilgan edi va ushbu ko’zoynaklar qimmat narxlariga qaramay juda tez ommalashib ketdi. Ushbu rolikda siz yoshi kattaroq ayolning apple ko’zoynaklaridan foydalangani va qanday jazavaga tushganini ko’rishingiz mumkin. Biz shunday ajib davrda yashayapmiz, yana besh yoki o’n yillardan keyin bu texnologiya bizni qayerlarga olib borishini o’ylash qo’rqinchli bo’lib tuyuladi, ayniqsa shunaqa video roliklarni ko’rganda😅

Shanxay ko'krak qafasi kasalliklari shifoxonasi doktori Luo Chingchuan (Luo Qingquan) Xitoyda ishlab chiqilgan 5G Medbot AI roboti yordamida minglab kilometr uzoqlikdagi Qashg'ardagi bemorda o'pka shishini olib tashlash bo'yicha innovatsion operatsiyani muvaffaqiyatli amalga oshirdi. Ushbu ilg'or tizim jarrohlik tajribasini real vaqt rejimida uzoq masofalarga uzatish imkonini beradi, bu esa telejarrohlik sohasida sezilarli yutuqlarni ko'rsatadi. Ushbu texnologiya ixtisoslashgan jarrohlar, ayniqsa ilg'or tibbiy yordamdan foydalanish imkoniyati cheklangan chekka hududlarda yetishmovchilikni bartaraf etishni va'da qiladi. Ushbu protseduraning muvaffaqiyati tibbiy yordam ko'rsatishda inqilob qilishi mumkin, bu esa kam ta'minlangan aholiga jiddiy tibbiy yordamlarni taklif qilishi mumkin.

Berlinda dunyodagi birinchi sun'iy intellektli jinsiy qo'g'irchoqlar fohishaxonasi ochildi. BBC xabariga ko'ra, Berlin aholisi kattalar uchun o'yin-kulgining eksklyuziv va futuristik ko'rinishini namoyish etishga tayyor, sun'iy intellektga asoslangan birinchi global jinsiy qo'g'irchoqlar fohishaxonasi muvaffaqiyatli sinov bosqichidan so'ng ochilmoqda. Ushbu xizmatni yo'lga qo'ygan Cybrothel kompaniyasi mijozlarga og'zaki va jismoniy o'zaro ta'sirni ta'minlaydigan aqlli mashina bilan muloqot qilish imkoniyatini taqdim etadi. Hozirda ushbu texnologiyaning kelajagi va istiqboli mutaxassislar tomonidan katta savol ostiga olinmoqda, hamda AIning ko'ngilochar sektorga integratsiyalashuvi haqida xavotirlar kuchaymoqda. Kembrij universiteti qoshidagi Leverhulme razvedka kelajagi markazining katta ilmiy xodimi doktor Kerri Makinerni sun'iy intellektning o'ziga xos tarafkashligidan kelib chiqadigan xavf haqida ogohlantiradi. Xavotir AIning jins va zavq haqidagi ijtimoiy stereotiplarni takrorlashidan kelib chiqadi. Bundan tashqari, ushbu texnologiyalarga qattiq bog’lanib qolish va qaramlik keltirib chiqarish xavfi mavjudligi, ayniqsa yolg'iz odamlarga bu jarayon o’ta salbiy ta'sir qilishi mumkinligi takidlanmoqda. Shuningdek, Rykov AI chatbotlarining yuqori qaramlik potentsialini va ruhiy salomatlikka salbiy ta'siri kuchli va tez bo’lishi mumkinligini ta'kidlaydi. Texnologiya rivojlangani sari turli xil xavflar ham birgalikda rivojlanmoqda. Siz nima deb o'ylaysiz, ushbu va shunga o'xshash insidentlar qanday oqibatlarga olib kelishi mumkin?

Assalom alekum. Hurmatli qadrdonlar. Muborak Qurbon Hayit bayrami barchamizga qutlug’ bölsin! Barchangizga sihat salomatlik, oilaviy baxt va osoyishtalik hamisha hamroh bölsin. Barchangizga ushbu kanalda hozirgacha qolganingiz uchun chin dildan minnatdorchilik bildiraman. Juda uzoq vaqtli tanaffusdan söng, inshaalloh yana birgalikda izlanishlarimizni va örganishlarimizni davom ettiramiz! Barchamizga bayram muborak!

Uy bekalarining azaliy orzulari ushaladigan ko’rinadi. 😄 Stanford universiteti olimlari 85% aniqlik darajasi bilan ishlovchi uy ishlariga yordamchi robot sinovini muvaffaqiyatli o’tkazishdi. Ushbu robot kiyim-kechak, oziq-ovqat va o'yinchoqlar kabi narsalarni saralash va joylashtirish uchun ko'plab onlayn ma'lumotlar bilan o'qitilgan aqlli kompyuter miyasidan foydalanadi. Ehtimol yaqin kelajakda bu robotlar hatto mebellarni ko'chirishga yoki o’rin-to'shaklarni tayyorlash va shu kabi boshqa ko’plab uy ishlarini bajarishga moslashtiriliahi mumkin. Olimlar uzoq vaqt davomida robotlarning ovqat pishirish va kir yuvish kabi ko'proq yumushlarni qila oladigan robotga aylantirish haqida o'ylashmoqda. Ammo hozircha, uyni tartibga keltira oladigan robotning o’zi ham juda ajoyib yangilikdir. —

Plastik magnit ixtiro qilindi.

Plastik magnit ixtiro qilindi.

Ushbu salomatlik monitoringi tatuirovkasi bizning hayot tarzimizni o'zgartirishi mumkin: Ushbu taqiladigan biometrik tatuirovka sog'liqni saqlash mutaxassislari uchun tibbiy ma'lumotlarni to'plashni soddalashtiradigan real vaqt rejimida salomatlik monitoringini taklif qiladi. Bundan tashqari, sportda jismoniy ko'rsatkichlarni kuzatish, sportchilarga mashg'ulotlarni optimallashtirishiga yordam berish uchun ishlatilishi mumkin. Tatuirovkalar, shuningdek, imo-ishoralarni boshqarishni qo'llab-quvvatlaydi va virtual reality o'yin tajribasini yaxshilaydi. AI juda tez rivojlanmoqda. Eng soʻnggi yangiliklarni hammadan oldin biz bilan birga kuzating.

Bugungi kunda IT texnologiyalarning turli jabhalarida qöllanilayotgani sezilarli darajada hayotimizni osonlashtirmoqda. Ayniqsa, VRning sog'liqni saqlashda qo'llanilishi nihoyatda ajoyib va samarali yechimdir. Barchamizga ma'lumki, biroz muddat betob bölib kasalxonada yotib qolgan bemor kamharakatlik va zerikishdan ko'p aziyat chekadi. Ayniqsa erkin harakatlanishi ma'lum muddatga cheklangan bölsa. Shifokorlar bunday holatlarda tezroq oyoqqa turib, sog’ayish uchun köproq jismoniy mashqlar zarurligini ta'kidlashadi. Bu muammoning yechimini ushbu rolikda tomosha qilishingiz mumkin. Shifoxonada yotgan bemorlar endi yotoqda mashq qilish uchun VR texnologiyasidan foydalanishlari mumkin. Bu go'yoki bemorlar uchun sayohatga yoki qisqa ta'tilga chiqish imkonini beradi. Ham ruhiy, ham jismoniy hordiq va asosiysi sog’likni tiklab olish uchun juda ajoyib yechim!

Xitoyda robot shifokor va 5G texnologiyasi yordamida ötkazilgan operatsiya haqida yozgan edim. Bu videoda xuddi shu robotning murakkab operatsiyalarga tayyorgarlik uchun ötkazilgan sinov jarayonidan parcha körishingiz mumkin.

Ayni bir xil futbol o'yini uchun siz ko'rayotgan reklamalar siz tomosha qilayotgan kanal yoki mamlakatga qarab turli xilda bölishini bilasizmi? Ushbu aqlli reklamalar real vaqtda muammosiz moslashadi, bu esa reklama maydonini kanallar, mamlakatlar va boshqalar bo'ylab bir necha marta sotish imkonini beradi. Aqlli texnologiyalar yordamida bu oson amalga oshiriladi