Uychi tuman hokimi matbuot kotibi/Muhammadali Qambarov

Амалий семинар Ҳурматли Президентимизнинг 2025 йил 31 октябрдаги “Аҳолини озиқ-овқат маҳсулотлари билан барқарор таъминлашга доир қўшимча чора-тадбирлар тўғрисида”ги ПҚ-322-сонли қарори ижросини таъминлаш мақсадида Уйчи туманида амалий ишлар изчил давом этмоқда. Мазкур қарор доирасида туманда Давлат хизматлари марказлари орқали ташаббускор фермерлар томонидан чорвачилик комплекслари ташкил этиш, жумладан, 45 та фермер хўжалигида енгил конструкцияли молхоналар қуриш режалаштирилган. Шу муносабат билан "Нуршодбек Афруза" фермер хўжалигида пахта ва ғаллачилик йўналишида фаолият юритаётган фермерлар учун амалий семинар ташкил этилди. Семинарда туман ҳокимининг ўринбосари К.Патхиддинов бошчилигидаги ишчи гуруҳ иштирок этиб, қарор ижросини самарали ташкил этиш, чорвачиликни ривожлантириш, озиқ-овқат хавфсизлигини мустаҳкамлаш ҳамда фермерлар учун яратилаётган имкониятлар хусусида атрофлича тушунтириш ишлари олиб борилди. Бу каби амалий тадбирлар қишлоқ хўжалигида қўшимча даромад манбаларини яратиш, аҳоли бандлигини таъминлаш ва ички бозорда озиқ-овқат маҳсулотлари барқарорлигини оширишга хизмат қилади. Sayt | Telegram | Facebook | Instagram | YouTube

Uychi tumanidagi 32-maktabda o'tkazilgan bitiruv oqshomi "Yuksak ma'rifatli avlod" shiori ostida, unutilmas va ko'tarinki kayfiyatda tashkil etildi. Tadbir nafaqat maktab bilan xayrlashuv, balki o'quvchilarning katta hayotga qo'ygan ilk mustaqil qadami sifatida nishonlandi. Maktab direktori va ustozlar bitiruvchilarni tabriklab, ularga kelajakda muvaffaqiyatlar tiladi. Oʻquv yili yakuni boʻyicha bir qator oʻqituvchilar ragʻbatlantirildi. A'lo baholarga o'qigan va jamoat ishlarida faol bo'lgan o'quvchilarga faxriy yorliqlar hamda esdalik sovg'alari topshirildi. O'quvchilar tomonidan tayyorlangan "Xayr, maktabim!" nomli sahna ko'rinishlari, ona va ustoz haqidagi she'rlar hamda raqslar ijro etildi. Bitiruvchilar nomidan ustozlarga, ota onalarga gullar ulashilib, samimiy dil izhorlari bildirildi. 👉@Press_Secretary_Uychi‌‌

Уйчи туманидаги 36-мактабда “Сўнгги қўнғироқ” тадбири кўтаринки руҳда ўтказилди. Унда мактаб жамоаси, ота-оналар, устозлар ҳамда битирувчи ўқувчилар иштирок этдилар. Байрам тадбири Ўзбекистон Республикасининг Давлат мадҳияси билан бошланди. Тадбир давомида мактаб директори ва фахрий устозлар сўзга чиқиб, битирувчиларга эзгу тилаклар билдиришди, уларни келгусидаги ўқиш ва ишларида муваффақиятлар тилашди. Шунингдек,мактабнинг муддатидан олдин талаба бўлган битирувчилари, ўқув йили давомида фан олимпиадалари, спорт мусобақалари ва турли танловларда фаол қатнашган ўқувчилар ҳамда уларнинг ота-оналари ташаккурномалар билан тақдирландилар. Битирувчи ёшлар томонидан тайёрланган бадиий чиқишлар, шеър ва қўшиқлар тадбирга янада файз бағишлади. Тадбирнинг энг ҳаяжонли онларидан бири “Сўнгги қўнғироқ” садолари янграган жараён бўлди. Ушбу унутилмас лаҳзалар ўқувчилар, устозлар ва ота-оналар қалбида илиқ таассурот қолдирди. M.Mахаммадалиева. 👉@Press_Secretary_Uychi‌‌

Уйчи туманидаги 35-мактабда 2025–2026 ўқув йили якунланиши муносабати билан “Юксак маърифатли авлод – Учинчи Ренессанс пойдевори!” шиори остида “Сўнгги қўнғироқ” тадбири кўтаринки руҳ ва байрамона кайфиятда ташкил этилди. Тадбирда устоз ва мураббийлар, ота-оналар, кенг жамоатчилик ва битирувчилар иштирок этиб, мамлакатимизда ёшларга яратилаётган кенг имкониятлар, таълим соҳасида амалга оширилаётган ислоҳотлар ҳамда ёш авлодни Ватанга садоқат, юксак маънавият руҳида тарбиялаш борасидаги ишлар алоҳида таъкидланди. Туман ҳокимининг ўринбосари С.Аҳмадалиева битирувчиларга эзгу тилаклар билдириб, уларнинг келгуси ҳаёт йўлида юрт равнақига муносиб ҳисса қўшадиган етук ва билимли кадрлар бўлиб етишишларида омадлар тилади. Sayt | Telegram | Facebook | Instagram | YouTube

Uychi tumanidagi 8-maktabda "So‘nggi qo‘ng‘roq" tadbiri bo'lib o'tdi. 11-sinfni 54 nafar, 9-sinfni 64 nafar o‘quvchi tamomlayapti. 11-sinf o‘quvchilaridan 1 nafari oltin, 1 nafari kumush medal bilan bitirish baxtiga musharraf bo'lmoqda. Bir guruh iqtidorli bitiruvchilar hamda o'quvchilarga faxriy yorliq, tasakkurnoma va esdalik sovg'alari topshirildi. 👉@Press_Secretary_Uychi‌‌

Уйчи туманидаги 5-мактабда "Юксак маърифатли авлод-Учинчи Ренассанс пойдевори!" шиори асосида "Сўнгги қўнғироқ” тадбири ташкил этилди. Тадбирда туман ИИБ ходими М.Эргашев, туман ФВБ ходими А.Турсунов, туман ММТБ мутахассиси М.Солиева, Мустақиллик, Хизиробод МФЙлари раислари Ф.Охунов, Б.Аҳмадалиев, фахрий ўқитувчилар Т.Худойбердиев, Р.Ғиёсов, байналминалчи жангчи А.Мамажоновлар иштирок этдилар. Мактабда ўқув йили давомида турли танловларда бир қатор ютуқларга эришган, фаол иштирок этган, шунингдек, одоб-ахлоқи, интилувчанлиги билан тенгдошларига ўрнак бўлаётган ўқувчиларнинг ота-оналари “Энг фаол ота”, “Жонкуяр она”, “Масъулиятли ота-она”, “Аълочи ўқувчи отаси”, “Билимли қиз онаси” ,"Энг фаол синф", "Энг фаол ўқувчи" каби номинациялар бўйича тақдирландилар. М.Нуриддинова, мактаб директорининг ММИБО'. 👉@Press_Secretary_Uychi‌‌

Uychi tumanida “So‘nggi qo‘ng‘iroq” tadbirlari ko‘tarinki ruhda o‘tkazildi Tumandagi barcha umumta’lim maktablarida “Yuksak ma’rifatli avlod – Uchinchi Renessans poydevori” shiori ostida “So‘nggi qo‘ng‘iroq” tadbirlari yuqori saviyada, quvonch va hayajonga boy tarzda tashkil etildi. Xususan, Uychi tumanidagi 4, 7, 8, 10, 12, 13, 15, 18, 33, 34, 37, 39, 41, 44-maktablarda bo‘lib o‘tgan tantanali tadbirlar bitiruvchi yoshlar uchun unutilmas lahzalarga boy bo‘ldi. Ezgu tilaklar, samimiy tabriklar, ustozlarning duolari va ota-onalarning faxrga to‘la nigohlari bu kunni yanada fayzli qildi. Tadbir davomida sport sinovlarida 7-17 yosh toifasida ixtiyoriy hamda maxsus yo'nalishlarda yuqori bal olgan o'quvchilar Sport vazirligining guvohnoma, znachok, sport formalari hamda sovg'alar bilan taqdirlandi. Bugungi bitiruvchilar — ertangi kun bunyodkorlari! Ularning kelgusidagi hayot yo‘llariga omad, ulkan zafarlar tilaymiz. Sayt | Telegram | Facebook | Instagram | YouTube

🔔 Сўнгги қўнғироқ Уйчи туманидаги 41-мактабда " Юксак маърифатли авлод - Учинчи Ренессанс пойдевори!" шиори остида “Сўнгги қўнғироқ” тадбири ташкил этилди. Тадбирда ўқувчилар, устозлар, ота-оналар, байналмилал жангчилар, маҳалла фаоллари иштирок этдилар ва битирувчилар учун эзгу тилаклар билдирдилар. Ўқувчилар томонидан чуқур ҳаяжон билан ижро этилган шеърлар, куй-қўшиқлар ва саҳна кўринишлари намойиш этилди. Айниқса, битирувчи ёшларнинг устозларга бўлган меҳр ва миннатдорчилик сўзлари барчага катта таассурот қолдирди. Мактаб маъмурияти ва меҳмонлар томонидан битирувчиларга келгуси ҳаёт йўлларида улкан зафарлар, юртимиз равнақи йўлида муносиб фарзанд бўлишларига тилак билдирилди. Барча битирувчиларга оқ йўл ва порлоқ келажак тилаймиз! Гулнора Мусаева, ММИБД ўринбосари. 👉@Press_Secretary_Uychi‌‌

Uychi tumanidagi 9-maktabda “Kelajakka chalingan ilk qo‘ng‘iroq” nomli “So‘nggi qo‘ng‘iroq” tadbiri ko‘tarinki ruh va bayramona kayfiyatda tashkil etildi. Tadbirda maktab bitiruvchilari, ustozlar, ota-onalar hamda keng jamoatchilik vakillari ishtirok etdilar. Tadbir davomida bitiruvchi o‘quvchilarning yillar davomida erishgan yutuqlari e’tirof etilib, ularning kelgusidagi hayot yo‘liga omad va zafarlar tilandi. O‘quvchilar tomonidan ijro etilgan she’rlar, kuy-qo‘shiqlar hamda sahna ko‘rinishlari tadbirga o‘zgacha fayz bag‘ishladi. Shuningdek, faol va namunali o‘quvchilar hamda ularning ota-onalari maktab ma’muriyati tomonidan tashakkurnoma va esdalik sovg‘alari bilan taqdirlandi. Tadbir yakunida yangragan so‘nggi qo‘ng‘iroq bitiruvchilar qalbida unutilmas taassurot va hayajonli lahzalarni muhrladi. 👉@Press_Secretary_Uychi‌‌

🌟 САЙЁР ҚАБУЛДА ЭЪТИБОР ВА ЭЪТИРОФ 💠Уйчи туманида O‘zLiDePнинг “Халқ билан бирга” умуммиллий дастури доирасида ташкил этилган сайёр қабул нафақат мурожаатларга ечим топиш, балки инсон қадрини улуғлаш, эҳтиёжманд фуқароларни қўллаб-қувватлашга қаратилган амалий ишлари билан ҳам аҳамиятли бўлди. 🔹Тадбир давомида Инсон ижтимоий хизматлар маркази томонидан ногиронлиги бўлган фуқаролар — Рустам Ғофуров, Маҳбуба Низамова ҳамда Зуҳра Эргашеваларга протез учун махсус пойафзаллар ва қўлтиқтаёқлар топширилди. Бу эса эҳтиёжманд инсонларга бўлган эътибор ва ғамхўрликнинг яна бир амалий ифодаси бўлди. 🎁 Шунингдек, Ўзбекистон Фермерлар Кенгаши бўлим бошлиғи Барно Мирзамова томонидан яқинлашиб келаётган Қурбон ҳайити муносабати билан партия фаолларига қимматбаҳо совғалар тақдим этилди. Тадбир иштирокчилари бу каби эътибор ва рағбатни юқори кайфият билан қарши олдилар. 🤝 Бундай эзгу ишлар аҳоли орасида меҳр-оқибат, бирдамлик ва инсон қадрини улуғлаш тамойиллари янада мустаҳкамланаётганидан далолат беради. 👉@Press_Secretary_Uychi‌‌

Инсон қадри Бугун Уйчи туман ободонлаштириш бошқармасининг марказ-1 бригадири, фидойи ва камтарин, самимий аёл Ибодатхон Раҳонованинг таваллуд топган кунлари. Шу муносабат билан “Нуроний” жамғармаси туман бўлими бошлиғи Тоҳиржон Исматиллаев ҳамда ҳамкасблари самимий қутлашди. Туманимиз марказининг обод ва кўркам бўлишига муносиб ҳисса қўшиб келаётган жонкуяр Ибодатхон Раҳмоновага сиҳат-саломатлик, сўнмас шижоат тилаймиз! 👉@Press_Secretary_Uychi‌‌

🔔#СўнггиҚўнғироқ Бугун Уйчи туманидаги 34-мактабда “Сўнгги қўнғироқ” тадбири кўтаринки руҳда ўтди. Тадбирда ўқувчилар, устозлар ва ота-оналар ҳамда туман ҳокимлиги вакили Ҳасанбой Турсунов иштирок этиб, битирувчилар учун эзгу тилаклар билдиришди. Ўқувчилар томонидан шеърлар, куй-қўшиқлар ва саҳна кўринишлари намойиш этилди. Айниқса, битирувчи ёшларнинг устозларга бўлган меҳр ва миннатдорчилик сўзлари барчага илиқ таассурот қолдирди. Мактаб маъмурияти томонидан битирувчиларга келгуси ҳаёт йўлларида улкан зафарлар, юртимиз равнақи йўлида муносиб фарзанд бўлишларига тилак билдирилди. Барча битирувчиларга оқ йўл ва порлоқ келажак тилаймиз! ✍️ Адҳамжон ҚАҲҲАРОВ. ММИБД ўринбосари. 👉@Press_Secretary_Uychi‌‌