【天水連線·官方頻道】

2113 #太子 #831 #旺角警署 本組織兩名成員，其中一人為天水連線侯文健議員，於太子站外收集鮮花，被帶入旺角警署，未知兩人是否被捕。 我們正在提供支援🙏🏻 2126 阿文及另一名成員已離開警署 兩人沒有被捕 而收集鮮花用的紙箱被沒收

【天水連線·官方頻道】 pinned «最近有位手足出返黎！！ 分享左好多入面嘅情況，如果有手足想搵人傾下/問多少少入面嘅情況，可以pm我地 #牆內日常 //大家好，我最近係牆入面出返嚟 小弟文筆唔多好，可能會比較多癈話 今日想同大家分享一下牆入面嘅世界 對於大部份未接觸牆入面嘅世界 #1 好多人會諗係咪好辛苦，好難捱? 答：我可以答你係入面並唔係好似大家睇《監獄風雲》咁樣，而家會文明好多 #2 身邊嘅朋友都會問我係咪要(通櫃)嫁？ 答：我問佢科技先進嫁嘛，有X光機嫁，除非你咁唔好彩壞咗機🤣 #3 咩叫「拋」同「泊」？ 答：未判刑…»

最近有位手足出返黎！！ 分享左好多入面嘅情況，如果有手足想搵人傾下/問多少少入面嘅情況，可以pm我地 #牆內日常 //大家好，我最近係牆入面出返嚟 小弟文筆唔多好，可能會比較多癈話 今日想同大家分享一下牆入面嘅世界 對於大部份未接觸牆入面嘅世界 #1 好多人會諗係咪好辛苦，好難捱? 答：我可以答你係入面並唔係好似大家睇《監獄風雲》咁樣，而家會文明好多 #2 身邊嘅朋友都會問我係咪要(通櫃)嫁？ 答：我問佢科技先進嫁嘛，有X光機嫁，除非你咁唔好彩壞咗機🤣 #3 咩叫「拋」同「泊」？ 答：未判刑但係又唔比保釋就叫做「拋」，判咗刑嘅就叫做「泊」，亦即係在囚人士 下稱「所員」 「拋」同「泊」嘅所員會先去荔枝角收押所，所員會係呢度隔離21日，亦都係最難捱嘅21日，因為呢21日係冇嘢做，只能夠睇電視，睇「勝」(書籍)、報紙(有人入先有得睇) 另外「泊」有一種叫「直通車」—— 有好多物資唔入得，例如:零食，煙⋯ 探訪俗稱「拜山」； 「拋」係每日上午都可以探，時長15分鐘，每次2個人探； 「泊」/「泊正」之後。每個月只有2次探訪，但係就有30分鐘，可以有3個人探。留意返，係有第三次加探，所有探訪者都必須要經所員入名先可以探訪，當21日隔離後就會根據刑期「過界」，轉去其他監房。 而小弟呢，就去咗西貢壁屋，去到其他監房時間會易過啲，因為會分派去「期數」即係有嘢做嘅地方。 分享一下小小嘅趣事，每晚都比同倉捉住玩game，要用個腦，好攰啊🤦🏻‍♂️ 以上係好簡短嘅資訊， (可能我表達得唔係咁好，用咗好多字*) 請大家記住！活在亂流！初心不滅！香港人！加油// · 如果有街坊或者朋友仔有咩唔明，需要開解或者幫忙嘅話 可以聯絡搵我傾：@tswcbot *部分內容及資訊經修正及補充

【為賴手足送上生日祝福】 「3C維修工作室」東主涉嫌串謀有意圖傷人，至今已還柙逾8個多月。 賴手足下月將於收押所渡過30歲生日，願我們用文字為他送上生日祝福，文字能夠送暖和觸動人心，讓他感受到我們在他身邊，不讓他孤單！ 💌@youarenotalonehk_mail2bot 截止日期：2021年6月7日 截止時間：晚上10點

【十萬。火急。行動】 募集十萬聯署要求懲教改善酷熱環境 香港天文台公告，本年截至 5 月 19 日已錄得 7 日「熱夜」，打破 1884 年有記錄以來 5 月最多熱夜紀錄。 酷熱問題，監房比起牆外世界嚴重得多。基於監房所處的位置，以及建築結構等核心問題，監房的通風系統長期為人垢病，難怪在囚人士都說，活在又熱又焗的監房，簡直像蒸籠裡的小籠包一樣。 歷年來，不少團體、議員、釋囚已提出過許多改善監獄酷熱的方法，可惜懲教署依然無動於衷。「石牆花」現再次整合在囚人士及釋囚的意見，提出具體建議，希望懲教署能夠基於人道理由而認真考慮： 1. 新增預防中暑物資 容許家屬為在囚人士入退熱貼、便攜式電動風扇、太陽油、太陽眼鏡（現時需要醫生證明才可以入）等。 2. 獄政從善如流 一改現時飲用水全為煲熱滾水的習慣，改為提供凍水飲用，並容許增加沖涼次數等。 3. 改造及維修設施 基於監房的古舊設計，致監獄內部難以通風，建議頂層及外牆髹上隔熱塗層，以及在倉內增設強力抽風設備，這不單減低在囚人士中暑機會，同時顧及懲教職員的職業安全健康。 上述只是從人道理由提出的基本請求及建議，作為具百年管理監獄歷史的懲教署，定必有更好的建議，在此我們不會越俎代庖，只會靜候佳音，支持署方的改善工作。 簽名運動是最微小的表態，以表明牆內牆外一條心。「石牆花」希望在短時間內能夠收集十萬簽名，交給懲教署，展示香港人對改善獄政的決心。 聯署表格： https://forms.gle/eNpGEZhP8gnEf1vs8 石牆花 Wall-fare

紅社麻瓜、飛天少女豬事丁 手足回咗信畀你哋呀！ 請同我哋聯絡☺️ · 聯絡天水連線：@tswcbot

收集物資支援在囚人士 賢學思政︰市面難買，數量大不如前 冀更多市民捐贈 【立場新聞】學生組織「賢學思政」今（15 日）下午在旺角一商廈設物資站，收集朱古力、香煙、肉乾和爽身粉四種物資，及義賣自家設計產品，支援在囚人士，逾百市民響應呼籲，前來捐贈物資。召集人王逸戰表示，因產品限制多、市面難買，最近幾次收物資的數量大不如前，希望更多市民捐贈物資，長遠希望另覓地方設長期物資站，讓更多市民可以參與。 賢學思政今日下午 2 至 5 時於旺角一商廈設物資站，公開募集 37 克裝黃色及黑色 M&M 朱古力、Wealth 軟盒裝香煙、優之良品豬肉乾及牛肉乾、100 克裝強生嬰兒爽身粉。記者現場觀察，歷時三小時的物資站，約有 150 人前來捐贈，一共收集約 50 袋物資。（全文） #20210515新聞

WhatsApp｜教你備份資料刪除帳戶 拒接受新條款5月15日後將被限制接收信息 #GadgetGuy｜https://bit.ly/33OR4ER

【５月１２日 星期三】 以下法庭需要臨時文字直播員報料： 🕘09:30 📍#九龍城裁判法院第七庭#續審 📍#西九龍裁判法院第四庭#審訊 📍#西九龍裁判法院第十八庭#研訊 🕘10:00 📍#區域法院第廿八庭#續審 🔰請按此報料 💛其他法庭暫不需要，請留意本台更新💛

【手足萬事屋序章 母吾母以及人之母】 //今年母親節我地同 天水連線 同多位手足嘅媽媽共渡，代牆內手足送花俾一直陪住我地的媽媽❤️ 好好好感謝良心花店 ig shop @flowersou1_ 過時過節有生意唔做整靚靚花籃送俾我地，要大大力懲罰 探監時候問佢哋送唔送花，一個二個平日懶硬淨，講起媽媽就感性 「送啦，佢不知幾想要，一定攬住紮花自拍一日」 有個一直以黎上庭探監都好平靜嘅媽媽，開門收花嗰刻眼泛淚光，攬住花笑得好甜好開心 另一位媽媽手足媽咪見到盒花嘅時候哽咽咗幾秒 啲眼淚𠺘住喺眼框 我地話佢知係探呀仔時佢叫我地訂的花 手足媽：大個仔喇 第一次送花比我呀 然後望住紥花猛話好靚呀 個樣好甜 好自豪 ⋯ 見到你地個笑容，一眾義工一日內走遍港九新界都唔見攰。如果無力感係牆外的共同感受，我地就要用希望同佢對抗。有樣嘢極權唔會明，我地當初行出嚟係因為對香港嘅愛，以後行落去係出於對彼此嘅愛。命運共同體已經建立，無論幾耐，我哋都會一齊行。 藉機宣傳下:全新支援計劃手足萬事屋即將推出，到時請大家cls!!!// — 轉自. 抗爭點滴 · 聯絡天水連線：@tswcbot

【伍健偉已辭任元朗區區議員】 編按：伍健偉已向民政事務總署署長謝小華女士遞交辭職信，辭任元朗區區議員一職，已於2021年5月10日生效。 大家仍然可以化身寫信師，傳遞關懷的訊息，為伍健偉雪中送炭。 https://www.facebook.com/102603621575435/posts/233848961784233/?d=n 一起堅守信念，支持伍健偉Patreon： https://www.patreon.com/luciferK 如有查詢： 社區事務→ 聯絡Anita Choi +852 6313 5351 天水連線事務→ 聯絡天水連線Facebook專頁 P.S. 呀K好想好想親自同大家講幾句，待收到他由收押所寄出的信後，再向大家發佈，請見諒！ https://www.facebook.com/100057867528645/posts/206980314574218/?d=n

【伍健偉近況更新】 今日見到啊K換左夏季衫啦！終於可以着短衫短褲，K一出嚟連電話都未拎起，第一時間就show咗條美腿比我哋睇😛 經過完4月頭悠長假期後嘅jam信，佢話好開心終於陸續收到好多信啦(包括街坊信!!) 題外話，小編3月尾都寄咗封信比佢，佢話隔左21日後(4月中)先收到，有一刻佢以為大家已經唔記得佢...🥲* K目前嘅生活都算充實，睇書、寫信、畫畫、學日文、健身，特別鳴謝劉穎匡同梁晃維做日文小老師每日調教.... (um應該係教導依個百厭星！🙇🏼‍♀️) K仲話佢依家開始減肥!!!😾佢話自己一日食三餐又少郁動肥咗好多喎！明明依家先係正常身形，所以小編用咗奢侈嘅2分鐘教訓佢😾😾 K寄語現時嘅香港要好好保護自己，多啲關心身邊親友嘅近況，請各位平平安安、健健康康！仲有，除左佢哋47人，仲有好多冇咁出名嘅手足需要大家關心㗎！旁聽嘅支持係唔可以停！ 15分鐘真係好短，好快就完，到真係要走嘅時候，每次佢都堅持+催促我哋先轉身離開，再目送我哋嘅身影逐漸消失於探訪室中⋯佢話寧願自己失落，都唔想我哋去承受道別果種落寞、無奈同難受😣 支持啊K👇🏻 1️⃣/ 訂閱Patreon 2️⃣/去指定黃店換信紙寫信比K *記得帶$2郵票! 不收信封! P.S. 如果你未收到K嘅回信，好大機會係佢仲未收到，請耐心等候🙏🏻 #單獨囚禁第60日 #好掛住佢係身邊bilibala既日子 #好想開會比佢大聲公音量轟炸 · 聯絡天水連線：@tswcbot