Post #1924

【天水連線‧和你寫】 三個月、八個月、一年、兩年、四年‥‥ 可能對一個普通嘅香港人黎講，眨下眼就過，但對每一個在囚手足黎講，失去資訊、失去自由、失去同朋友聯絡嘅機會，每分每秒都唔容易過，如果可以，我想佢哋得到更多人關心。 天水連線今次好榮幸可以同 抗爭點滴 Stories of Resistance 、 燕子生命 十年抗爭支援 合作寫信計劃，我哋將會長期為在囚嘅手足收集信件，再轉寄畀佢哋。如果各位係想親筆寫信畀手足嘅，或者想成為佢哋嘅筆友，可以留意以下詳情︰ 實體信收集地點︰ 伍健偉議員辦事處、 關俊笙議員辦事處、 林進議員辦事處、 九龍中央郵政信箱70320號 對象︰反送中以及初一義士 筆友計劃︰ 如有興趣同手足成為筆友請聯絡天水連線！ 另外，亦有唔少街坊提到想寫信，但不過冇咩時間親手寫或者親身交到議辦，所以燕子生命提供咗網上平台畀大家喺網上寫信，只要大家去到 https://www.swallowlife.org/ ，按一下「手足傳信 在囚手足網上筆友系統」，就會有指引去教你點樣上網寫信；另外，如果各位街坊唔得閒親身攞信，亦都可以登記成筆友或者喺燕子生命嘅系統上登記，當收到信嘅時候，我哋就會自動Send Email畀大家睇信。 千祈唔好忘記每一位在囚手足嘅付出，即使今日相隔牆外牆內，但我哋相信只要每個香港人都有決心、拒絕遺忘每一個手足，香港人係永遠心連心。希望各位街坊踴躍參與寫信計劃！ 注意︰ (1) 親手寫信請盡量用白紙、單行紙寫信 (2) 寫信內容可以參考︰ https://www.swallowlife.org/%E5%AF%AB%E4%BF%A1%E9%9C%80%E7%9F%A5 (3) 因為筆友計劃需時處理，建議各位街坊暫時寫住單向信先 ‼️支持天水連線‼️ Telegram | Facebook | Instagram | Live | Twitter | Support Us | Join Us